"Altyn qalam" ıegerleri belgili boldy

29 qazan kúni Almatydaǵy Yqylas Dúkenuly atyndaǵy mýzykalyq aspaptar murajaıynda «Altyn qalam» ádebı júldesiniń jeńimpazdaryn marapattaý rásimi ótti. Bıyl atalmysh baıqaýǵa 10 jyl. Osy aralyqta júlde 8 márte berilipti.

Taza entýzııazmnan týǵan jobanyń ǵumyry kelte bolmaı, qalam terbeýshi jandardy qoldap, otandyq ádebıettiń damýyna úles qosyp kele jatqany qýantady. Talaı qalamgerdi shabyttandyryp, oqyrmanǵa sapaly shyǵarmalar usynylýyna sebepker bolǵan baıqaýǵa kelip túsken týyndylar bıyl da az emes. Júlde úshin uzyn-yrǵasy 397 avtordan 778 shyǵarma synǵa túsken. Onyń arasynda sheteldik shyǵarmalar da bar. Uıymdastyrýshylardyń aıtýynsha, bıyl dodaǵa Ýkraına, Reseı, AQSh, Germanııa, Izraıl, Moldova, О́zbekstan syndy elderdiń úmitkerlerinen de jumystar túsipti.

Shyǵarmalar ústimizdegi jylǵy 15 naýryzdan, 15 qyrkúıekke deıin qabyldanǵan. Munan soń 1 qazanǵa deıin oqyrmandardan daýys qabyldanǵan. Júldeniń uıymdastyrý komıteti men qazylar alqasy sapyna Dosym Satpaev, Aıdos Sarym, Arman Shoraev, Nurjan Muhamedjanova, Rasýl Jumaly, Kenje Jumanuly, Qýat Dombaı, Beknýr Qısyqov, Baıǵalı Esenálıev, Dildágúl Nurmahanbet, Tatıana Fılıpchık jáne basqalar engen.

Ádebı júldeniń seriktesi “ZHERSU” ınvestısııalyq-óndiristik korporasııasy usynǵan 1 mln teńgelik basty qarjylaı syılyq bıyl balalar jazýshylaryna taǵaıyndalypty. Uıymdastyrýshylar óskeleń urpaqtyń tól ádebıetpen sýsyndaýyna mańyz berip, osyndaı toqtamǵa kelgen.

Sonymen, balalar jazýshylaryna arnalǵan «Daraboz» baıqaýynyń bas júldesin Qarlyǵash Sarybaeva jeńip aldy.

«Jyldyń úzdik poezııasy» atalymynda Dáýren Tileýhan (Aqtóbe), «Jyldyń úzdik prozasy» nomınasııasynda Gúlnár Iztaeva (Shymkent) úzdik dep tanyldy. «Jyldyń úzdik kınossenarııi jáne dramatýrgııasy» júldesi Qýanysh Jıenbaıdyń (Astana) shyǵarmasyna berilse, «Jyldyń úzdik satırasy» júldesi atyraýlyq Amandyq Saǵyntaıulyna, «Jyldyń úzdik fantastıkasy jáne detektıvi» syılyǵy Oralbek Bekbolatqa (Kentaý) tapsyryldy.

Sondaı-aq uıymdastyrýshylar ádebı júlde atynan qazaqtyń halyq jazýshysy, kórnekti qalamger Ábdijámil Nurpeıisovke «Qazaq ádebıetine qosqan eleýli eńbegi úshin» atalymynyń berilgenin habarlady.

Orys tilindegi shyǵarmalar boıynsha jeńimpazdar tizimi tómendegideı:

«Lýchshaıa poezııa goda» – Olga Kývshınnıkova (Ýst-Kamenogorsk); «Lýchshaıa proza goda» – Qýanysh Jıenbaı (Astana); «Lýchshaıa detskaıa ı podrostkovaıa lıteratýra goda «Daraboz» – Ksenııa Evdokımenko (Almaty); «Lýchshaıa satıra goda ımenı Esenjola Dombaı» – Erlan Koshkınbaev (Almaty); «Lýchshaıa fantastıka ı detektıv goda» – Alnýra Kýrmangalı (Almaty); Lýchshıı kınossenarıı ı dramatýrgııa goda» – Ksenııa Evdokımenko (Almaty).

Júldeger shyǵarmalar men ózge de týyndalardy www.akalam.kz saıtynan oqýǵa bolady.