• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:44:31
Qazaqstan Ýkraınanyń saýda naryǵyna alańdaýly

28 Qazan, 2019 Aımaqtar

Bıyl Tarazda 25 turǵyn úıge jóndeý jumystary júrgizildi

Aǵymdaǵy jyly Taraz qalasynda kóp qabatty turǵyn úılerge jóndeý jumystaryn júrgizýge 989,6 mıllıon teńge bólindi. О́z kezeginde, bul qarjy maqsatty ıgerilip, oblys ortalyǵyndaǵy 25 turǵyn úıge kúrdeli jóndeý jumystaryn júrgizýge jumsalyp otyr, dep jazady Qamshy.kz aqparat agenttigi. 

Jalpy búgingi tańda Taraz qalasy boıynsha barlyǵy 1 298 kóppáterli turǵyn úı bolsa, onyń 300-i jýyǵy kúrdeli jóndeý jumystaryn qajet etedi. Tozyǵy jetken turǵyn úılerdi qaıta jańǵyrtý jumystary boıynsha Indýstrııa jáne ınfraqurylymdyq damý mınıstrliginiń Qurylys komıtetine bıýdjettik ótinim de berilgen. Atalǵan bıýdjettik ótinimge oń sheshim shyǵarylǵan jaǵdaıda 2020 jyly Taraz qalasyndaǵy 80 turǵyn úıge jóndeý jumystary júrgizilmek. Al bıyl bul maqsatqa 1 mıllıard teńgege jýyq qazyna qarjysy qarastyrylyp, oǵan 25 turǵyn úı jóndelip jatyr. Turǵyn úılerdi jóndeý jumystaryna bólingen aqshanyń teń jarymy Taraz qalasynyń qazynasy esebinen qarastyrylǵan. Al qalǵan qarjy buǵan deıin jóndeý jumystary júrgizilgen úılerden qaıtarym qarjy esebinen tólengen.

Tarazdaǵy turǵyn úılerdi qaıta qalpyna keltirý jumystary nátıjesinde «Aqbulaq» yqshamaýdanyndaǵy №9,17 úılerdiń de sáni kirdi. Irgetasy jarty ǵasyr buryn qalanǵan turǵyn úılerdiń buǵan deıingi jaǵdaıy máz emes edi. Tozyǵy jetken turǵyn úılerge ótken jyldyń qarasha aıynda «Stroıtelı Veka» jaýapkershiligi shekteýli seriktestigimen kúrdeli jóndeý jumystary júrgizildi. Búginde 90 otbasy panalap otyrǵan eki turǵyn úıdiń turǵyndary da atqarylǵan sharýanyń kóńilderinen shyǵatynyn aıtady. Jóndeý jumystaryna bólingen 47 mıllıon 856 myń 838 teńgeni maqsatty paıdalanǵan seriktestik turǵyn úılerdiń syrtqy qasbetin jóndep, árlep qana qoımaı onyń shatyrlary men jylý, ystyq jáne salqyn sý, káriz júıeleri men elevator torabynan turatyn ınjenerlik jelilerin tolyqtaı jóndeýden ótkizgen. Sonymen qatar turǵyn úılerdiń kireberisterine de tolyqtaı kúrdeli jóndeý jumystary jasalynǵan.

Rasynda oblys ortalyǵynda turǵyn úılerdiń deni 50 jyl buryn salǵanymen eshqandaı jóndeý kórmeı tozyǵy ábden jetken edi. Aldaǵy ýaqytta osy úılerdiń turǵyndary da turǵyn úılerdi jóndeýden ótkizý jumystarynyń sharapatyn tolyq sezine almaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir