• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:57:15
Qazaqstan Ýkraınanyń saýda naryǵyna alańdaýly

28 Qazan, 2019 Aımaqtar

Zamanaýı kitaphanalar turǵyndardyń 5383 suranysyn elektrondy rejımde ótedi

О́tken jyly oblys ákiminiń bastamasymen aýyldyq eldi mekenderdegi kitaphanalardyń bazasynan sıfrlandyrylǵan aqparattyq jáne kovorkıng ortalyqtary ashyla bastaǵan bolatyn. Sol kezden beri óńirdegi 103 aýyldyq okrýgtegi kitaphanalar janynan 146 kovorkıng jáne sıfrlandyrylǵan aqparattyq ortalyǵy ashyldy. Búgingi tańda olardaǵy «cao-zhambyl.kz» saıty arqyly turǵyndardyń 5383 suranysy qanaǵattandyryldy, dep jazady Qamshy.kz aqparat agenttigi. 

Aqparattyq ortalyqtarǵa negizinen aýyl turǵyndary bilim salasyna qatysty máselelerdi anyqtaý boıynsha qaıyrylady. Sáıkesinshe bul sala boıynsha turǵyndarǵa berilgen jalpy aqparattyń kólemi 1080-di quraıdy. Sonymen qatar aýyl sharýashylyǵy máselesi boıynsha 754 suranys qanaǵattandyrylǵan. Munan bólek aqparattyq ortalyq mamandary aýyl turǵyndarynyń talabyna saı egov.kz elektrondy portaly arqyly 16064 anyqtama bergen. Elektrondy anyqtamalardyń teń jartysyn mekenjaı anyqtamasy quraıdy.

–Basqarmamen eldi-mekenderde ashylǵan ortalyqtardyń jabdyqtalýyna zerdeleý jumystary júrgizildi. Sonymen birge Jambyl oblysynyń ınvestorlarǵa qyzmet kórsetý, jobalyq basqarý jáne sıfrlandyrý ortalyǵymen birlesip sıfrlandyrylǵan aqparattyq ortalyqtardyń jabdyqtalýy boıynsha biryńǵaı talaptary da ázirlendi. Munan bólek, aýyldyqtardyń suranysyn elektrondy rejımde qanaǵattandyryp júrgen sıfrlandyrylǵan aqparattyq ortalyqtarda qyzmet kórsetetin kitaphanashylardyń biliktiligin arttyrý da basty másele. Bul oraıda «Sıfrly Qazaqstan: Rýhanı jańǵyrý: Kitaphananyń jańa kelbeti» oblystyq semınary, Aısha bıbi aýyldyq, Baızaq, Talas aýdandyq kitaphanalar bazasynda «Sıfrly Qazaqstan: sıfrly qoǵam jáne IT tehnologııalar» kitaphanalyq aımaqtyq klasterleri, «Búgingi qoǵam kitaphanasynyń jumysyn transformasııalaý (ózgertý): jańa pishinder men uǵymdar» oblystyq forsaıt sessııasy ótkizildi. Atalǵan sharalarǵa zamanaýı kitaphana qyzmetkerlerimen birge halyqqa qyzmet kórsetý ortalyǵynyń ókilderi de qatysyp, «Mgov», «Telegram-bot», «EgovKzBot» qosymshalarymen jumys jasaý tásilderin kórsetti, –deıdi oblys ákimdiginiń mádenıet, qujattama jáne arhıvter basqarmasynyń basshysy Dúısenáli Byqybaev.

Jalpy óńirde 2018 jyldan beri 125 sıfrlandyrylǵan aqparattyq ortalyq pen 21 kovorkıng ortalyǵy ashylǵan. Aǵymdaǵy jyly 63 aýyldyq okrýgtegi dál osyndaı 76 ortalyq qyzmetine kiristi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir