• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:46:22
Qazaqstan Ýkraınanyń saýda naryǵyna alańdaýly

28 Qazan, 2019 Aımaqtar

Jambylda qaraýsyz qalǵan 5 turǵyn úı qaıta jańǵyrtylýda

Búginde jergilikti jerlerde turǵyn úı alýdyń kezeginde turǵan turǵyndardy baspanamen qamtýdyń barlyq tetikteri qarastyrylýda. Sonyń ishinde basymdyq jańa turǵyn úılerdiń qurylysy men birge buryn qoldanysta bolyp keıinnen bosap qalǵan turǵyn úılerde qaıta jańǵyrtý jumystaryna berilip otyr. Qazir óńirde osynda 37 turǵyn úı qaıta jańǵyrtý jumystaryn júrgizýdi qajetsinedi. Bul úıler tolyq jóndelip paıdalanýǵa berilgen kezde 3514 otbasy baspana baqytyn sezinýge múmkindik alady, dep jazady Qamshy.kz aqparat agenttigi. 

Mundaı turǵyn úıler kezinde iri óndiristik oshaǵynyń mańyna salynyp, keńestik júıe taraǵan soń bos qalǵan Qarataý, Jańatas qalalarynda jetkilikti. Sol sekildi toǵyz joldyń torabyndaǵy Shý qalasynda ıessiz qalǵan turǵyn úıler bar. Eki jyl buryn mundaǵy «Jetisý» turǵyn alqabyndaǵy turǵyn úıdiń jańǵyrtý esebinen 75 otbasynyń baspanaly bolǵany este. Sondaı-aq Jańatas qalasynda da qaıta jańǵyrtýdan ótken turǵyn úılerdiń esebinen birqatar jergilikti azamattardyń turǵyn úıge qol jetkizeni belgili.

–Jalpy qazir óńirdegi qalalarda qaıta jańǵyrtýdy qajet etetin 37 turǵyn úı esepke alynǵan. Olardy jóndeý esebinen 3500-den astam otbasyny baspanamen qamtý josparlandy. Kúrdeli jóndeýdi qajet etetin nysandardyń 18-si kommýnaldyq menshikte bolsa, 17 úı jeke menshikte. Al 2 turǵyn úıdiń menshik ıesi anyqtalmady.

Aǵymdaǵy jyly qaıta jańǵyrtýdy qajet etetin 5 turǵyn úıde qurylys jumystary júrgizilýde. Atap aıtqanda Shý qalasynda «Jansaıa» shaǵyn aýdanynda irgetasy 1989 jyly qalanǵan №1 turǵyn úıdiń qurylysy júrgizilip jatyr. Munan bólek Jańatas qalasynda 1 shaǵyn aýdandaǵy 9 turǵyn úıge qaıta jańǵyrtylýda. Bul nysandardy paıdalanýǵa berý esebinen jyl sońyna deıin 326 páterde qonys toıy toılanady. Al keler jyly respýblıkalyq bıýdjetten qarjylandyrylýymen 115 páterlik 2 turǵyn úıdiń qaıta jańǵyrtý jumystary júrgizilmek.

Jalpy turǵyn úılerdi bıýdjet qarjysymen qaıta jańǵyrtýdyń zańdylyǵyna saı olar eń áýeli kommýnaldyq menshikke ótýi kerek. Qazir Qarataý qalasyndaǵy 10, Jańatas qalasyndaǵy 6, Qordaı aýylyndaǵy 1 turǵyn úıdi jeke menshikten kommýnaldyq menshikke alý boıynsha tıisti rásimder júrgizilip jatyr,–deıdi oblys ákimdiginiń qurylys basqarmasynyń basshysy Jaıyqbaı Shaldarov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir