28 Qazan, 2019 Aımaqtar

Jambyl oblystyq "Znamıa trýda" gazeti basylyp shyqqanyna 100 jyl toldy

Aǵymdaǵy jyly Jambyl oblystyq «Znamıa trýda» gazetiniń basylyp shyqqanyna 100 jyl tolady. Eń alǵashqy sany 1919 jyldyń tamyz aıynda «Aýlıeatınskıı vestnık» ataýymen jaryq kórgen basylym sodan bergi aralyqtaǵy I ǵasyr ishinde oblystyń qoǵamdyq-saıası ómirin san qyrynan sóz etip, tarıhtyń qatparynda qaldyryp keledi, dep jazady Qamshy.kz aqparat agenttigi. 

Basylym tarıhy ótken ǵasyrdyń ekinshi on jyldyǵynan bastalady. Alǵashynda Áýlıeata ýezdik komıtetiniń resmı organy bolǵan gazettiń ataýy 11 ret ózgerip, keı tusta qaǵaz tapshylyǵyna baılanysty shyqpaı da qalyp jatty. Tutas bir dáýirdiń kýágeri atanǵan basylym osy kezeńdegi ártúrli saıası oqıǵalardyń bel ortasynan tabyldy. Onyń kóbin tasqa basyp, tarıhqa amanattady. Tek ótken ǵasyrdyń 60-jyldarynda «Znamıa trýda» bolyp atalǵanǵa deıin gazet «Bednota», «Professıonalnyı vestnık», «Volnaıa bednota», «Stalınskıı pýt», «Kommýnıst» syndy birneshe atpen shyqty.

–Al 1963 jyldyń 1 mamyry gazet tarıhynda qalǵan eleýli kúnderdiń qatarynda. Eń birinshi sany «Áýlıeata jarshysy» bolyp jaryq kórip, jarty ǵasyrǵa jýyq ýaqytta birneshe márte aty ózgergen basylym osy kúnge deıin «Znamıa trýda» degen jańa ataýmen shyǵa bastady. Soǵystan keıingi jyldary bul basylymda Ǵanı Álıev, Ivan Lýkashevıch, Alı Iseev, Ivan Popashenko, Efım Iаkovlev, Petr Komarov syndy bilikti tilshiler eńbek etti. Redaksııanyń shyǵarmashylyq ujymyna keıinnen qosylyp, búginde aǵa býyn atanǵan Anatolıı Molchanov, Leonıd Nıkıtın, Amantaı Aızahmetovter bul basylymnyń aıaqqa turýyna úlken eńbek sińirdi. Osy basylymda eńbek etip, zeınetkerlikke shyqqan Alfred Slavýtskıı, Vera Lıýdosanova, Larısa Chepkasova, Svetlana Manko, Natalıa Perfılevanyń da gazet oqyrmandaryna jaqsy tanys,–deıdi «Znamıa trýda»gazetiniń bas redaktory Tatıana Borısenko

Bul basylymdy alǵashqy uıymdastyrýshylardyń biri retinde belgili orys aqyny Anna Almatınskaıanyń da aty atalady. Sol tustaǵy Túrkistan Respýlıkasynyń TýrkROSTA agenttigi tilshisi bolǵan Anna Áýlıeataǵa kelip «Radıogrammy ROSTA» ataýmen aqparattyq paraqshalar shyǵara bastady. Odan keıingi jyldary bul basylymnyń shyǵarmashylyq ujymyn basqarǵan Lev Negryshev, Nıkolaı Tokarev, Mıhaıl Sergeıchık, Venıamın Chýnderov, Dıana Goncharýk, Vladımır Kozyrenko, Irına Malıkova, Lıýdmıla Perekolskaıa, Igor Nevolın, Beket Momynqul syndy redaktorlar da gazetke sony soqpaq, ózgeshelik ala keldi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir