Arhıvtik derekterdiń 13,8 paıyzy elektrondy formatqa kóshti

Elbasy Nursultan Nazarbaevtyń ótken jyly jarııalaǵan «Uly Dalanyń jeti qyry» maqalasynda «Arhıv 2025» memlekettik baǵdarlamasyn qabyldaý arqyly muraǵat qoryndaǵy materıaldardy sıfrly formatqa kóshirý jaıy aıtylǵan-ds. Osy oraıda Jambyl oblysyndaǵy arhıvtik málimetterdiń 13,8 paıyzy elektrondy formatqa aýysty, dep jazady Qamshy.kz aqparat agenttigi. 

Búginde Jambyl oblysyndaǵy arhıvteriniń saqtaýynda 925 198 saqtaý birligi bar. Arhıvterge jyl saıyn mekemelerden shamamen 10-12 myń qujat saqtaýǵa qabyldanady. 2013 jyldan bastap qazirgi tańǵa deıin 126 438 saqtaý birliktegi 12 085 039 paraq qujat skanerden ótkizildi. Bul arhıv qorlaryndaǵy jalpy málimettiń 13,8 paıyzyn quraıdy. Oblysta arhıvtik qujattardy sıfrlandyrýǵa kóshirý maqsatynda jyl saıyn 16-18 myńdaı qujat skanerden ótkiziledi.

Sıfrly formatqa aldymen turaqty saqtaý jatatyn arhıvtik anyqtamalar úshin kóp suranatyn qujattar, sharýashylyq kitaptar, tarıhı mańyzǵa ıe qujattar kóshiriledi.

– Oblystyq arhıvke eski qujattardy ótkizýge arnalǵan arnaıy planetarlyq skaner alyndy. Ázirge tek oblystyq arhıvke ǵana alynǵan bul qurylǵynyń bir danasy 14 mıllıon 900 myń teńge turady. Osy qurylǵyny alý esebinen qujattardy skanerleý kórsetkishi 25 paıyzǵa ósti. Buǵan deıin eski qujattardy elektrondy formatqa kóshirý jumystary sál baıaýlap qalǵan edi. О́ıtkeni jyldamdyǵy tómen skanerler kúnine shamamen 450-500 paraq, aıyna 10 000 paraq qujat ótkizýge qana qaýqarly bolatyn. Al bul iske jyldamdyǵy joǵary skanerdi tartýǵa eski qujattardyń jyrtylýy, myjylýy qaýpi kedergi keltirip otyrdy, –deıdi oblys ákimdigi mádenıet, qujattama jáne arhıvter basqarmasynyń basshysy Dúısenáli Byqybaev.

Sondaı-aq, arhıvterdiń materıaldyq-tehnıkalyq bazasyn nyǵaıtý úshin Sarysý aýdanynyń memlekettik arhıvine 12 mıllıon teńgege 16 dana jyljymaly sóreler satyp alyndy. Sonyń esebinen arhıvtegi qoımanyń tolý dárejesi 40 paıyzǵa kemidi. Qazir mundaı qurylǵyny Baızaq, Qordaı, Talas, Shý aýdandyq arhıvteri qajetsinedi.

О́z kezeginde arhıv málimetterin sıfrly formatqa kóshirý bul salada qarapaıym halyq úshin kórsetiletin qyzmetti ońtaılandyrý úshin jasalyp otyr.