• USD 468.56

  • EUR 497.56

  • RUB 7.3

  • CNY 67.18

28 Naýryz, 13:01:46
Almaty
+35°

Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy aıasynda Jambyl oblysy, Jambyl aýdanynyń turǵyndary arasyndaǵy jumyssyzdyq azaıyp keledi. Baǵdarlama qatysýshysy atanǵan jambyldyqtardyń biri toby qaıta daıarlaýdan ótse, endi biri shaǵyn nesıe alyp jeke kásibin bastaýǵa den qoıǵan, dep jazady Qamshy.kz aqparat agenttigi. 

Aǵymdaǵy jyly óńirde bul baǵdarlamany iske asyrýǵa 11 mıllıard 600 mıllıon teńge qarjy qarastylǵan. Mundaǵy 7 mıllıard 400 mıllıon teńge respýblıkalyq bıýdjetke tıesili bolsa qalǵan 4 mıllıard 200 mıllıon teńge jergilikti bıýdjetten bólingen. Baǵdarlama aıasynda jyl basynan beri jumyspen qamtýdyń belsendi sharalaryna 30 504 adam tartylǵan. Onyń ishinde vakanttyq bos jumys oryndaryna 14 210 adam tartylsa qysqa merzimdi kásiptik oqýmen 3299 adam qamtylǵan. Sonymen qatar arnaýly orta jáne joǵary oqý oryndaryn támamdaǵan 2297 túlek jastar praktıkasyna joldama alsa, áleýmettik jumys oryndary arqyly 1477 adam jumysqa tartyldy.

Sondaı-aq aqyly qoǵamdyq jumystarǵa 4868 jumyssyz tartylsa, 1292 adam «Bastaý-Bıznes» jobasymen kásipkerlik negizderine oqyǵan. «Jas kásipker» jobasy boıynsha 649 adam oqýǵa joldandy. 959 adam shaǵyn nesıe alyp, 683 adam grantqa qol jetkizdi.

Máselen Jambyl aýdanynyń Asa aýylyndaǵy jumyssyz júrgen jandar dál osy baǵdarlamanyń sharapatyn sezinip, jeke kásipkerlikke bet túzeýde. Sondaı-aq aýyl turǵyny Móldir Qurmanalıeva nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy arqyly 505 myń teńge qaıtarymsyz grantqa qol jetkizdi. Ol bul qarjyǵa sulýlyq salonyn ashty.Sulýlyq salonynda qazir 3 adam turaqty jumyspen qamtylǵan. Jas kásipker bolashaqta jambyldyq ózge qyz-kelinshekterge de kásipkerlik negizderin oqytatyn ortalyq ashýǵa nıet tanytyp otyr. Al jas maman Ázız Kádirhanuly «Jastar praktıkasymen» Asa aýyldyq okrýginiń apparatyna is-tájirıbeden ótýge kelgen. Ile-shala jas maman turaqty jumysqa ornalasqan.

Jalpy Jambyl aýdanynda baǵdarlamanyń barlyq baǵyty boıynsha 2740 adamdy jumyspen qamtý mejesi bekitilgen. Aımaqta kúni búginge deıin 2324 adam baǵdarlamanyń úsh baǵyty boıynsha jumyspen qamtylǵan. Olardyń arasynda 66 múmkindigi shekteýli jan bar.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir