• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:40:58
Qazaqstan Ýkraınanyń saýda naryǵyna alańdaýly

26 Qazan, 2019 Aımaqtar

Partııalyq joba aıasynda Shý aýdanynda atqarylǵan tirlik kóp

Qazaqstan Respýblıkasynyń Tuńǵysh-Prezıdenti –Elbasy, Nur Otan partııasynyń Tóraǵasynyń qatysýymen ótken partııanyń Nur-Sultan qalasyndaǵy «Nur Otan» partııasynyń kezekti sezdinde «Aýyl – El besigi» jobasyna bastaý alatyndyǵy aıtyldy. Sáıkesinshe bul jobany qarjylandyrý kólemin 3 esege arttyryp, aldaǵy aldaǵy úsh jyl ishinde 90 mıllıard teńge bólýdi tapsyrdy. Dál osy jobanyń sharapatyn Jambyl oblysyndaǵy úsh aýdan ortalyǵy aıqyn sezinýde. Shý aýdanynyń ortalyǵy Tóle bı aýylyna «Aýyl – El besigi» jobasy aıasynda 2 mıllıard 2 mıllıon teńge qarjy qarastyrylyp, josparly jumystar júrgizilip jatyr, dep jazady Qamshy.kz aqparat agenttigi. 

Bıyl Shý aýdanyndaǵy Tóle bı aýylynda ınfraqurlymmen qamtý máselelerin sheshýge joba aıasynda qarastyrylǵan qarjynyń 1 mıllıard 418 mıllıon 689 myń teńgesin ıgerý meje etip qoıylǵan. Onyń 154 mıllıon 710 myń teńgesi oblys qazynasynan qarastyrylsa, qalǵan bóligi respýblıkalyq bıýdjetten bólinip otyr. Bul qarjy Tuńǵysh-Prezıdenttiń tapsyrmasyna saı kólik, aýyz sý jáne gazben qamtamasyz etý sııaqty ınfraqurylymdyq máselelerdi sheship, mektep, aýrýhana, sport alańdaryn salýǵa jáne jóndeýge jumsalýda.

Shý aýdanynyń ortalyǵy sanalatyn Tóle bı aýylynda 20 myńnan astam turǵyn bar. Olar úshin kóshelerdiń jaryqpen qamtamasyz etý eń ózekti másele sanalady. Partııalyq joba aıasynda bul másele túbegeıli sheshimin tapty. Atap aıtqanda Tóle bı aýylyndaǵy 20,6 shaqyrymdy quraıtyn 11 kósheni jaryqtandyryldy. Sonymen qatar uzyndyǵy 22,4 shaqyrym bolatyn 24 kóshege ortasha jóndeý jumystary júrgizildi. Qazir bul jumystar kestege saı qolǵa alynýda.

Atalǵan joba aıasynda M.Áýezov atyndaǵy orta mektebi men Tehnıkalyq shyǵarmashylyq ortalyǵynyń ǵımaraty, «Ásem» balabaqshasynyń shatyryn kúrdeli jóndeýden ótkizý jumystary qolǵa alyndy. Sonymen qatar aldaǵy ýaqytta Tóle bı aýylynda jergilikti turǵyndardyń suranysyna saı «Saltanat saraıy», ámbebap zaly bar dene shynyqtyrý-saýyqtyrý keshenimen birge aýyldaǵy ortalyq aýdandyq aýrýhana mańynan emhana boı kóteredi. Tóle bı aýylynyń turǵyndary partııalyq joba aıasynda ózderi kópten kútken túıtkilderdiń túıini tarqaǵanyna rızashylyq bildirýde. Al ótpeli qurylys nysandaryndaǵy jumystar jergilikti bıliktiń jiti nazaryna alynǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir