• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:40:26
Qazaqstan Ýkraınanyń saýda naryǵyna alańdaýly

26 Qazan, 2019 Aımaqtar

Zııatkerlik mektepterdiń tájirıbesi qoldanylýda

Qazaqstan Respýblıkasy Tuńǵysh-Prezıdenti-Elbasy Joldaýynda zııatkerlik mektepterdiń tájirıbesin orta bilim berý júıesindegi ortaq standartqa aınaldyrý qajettigine basa mán berilgeni málim. Atalmysh tapsyrmaǵa saı ótken jyly óńirdegi 40 mektep Nazarbaev zııatkerlik mektebiniń tájirıbesin engizýdiń bazalyq alańyna aınaldy, dep jazady Qamshy.kz aqparat agenttigi. 

Osydan 11 jyl buryn Elbasy bastamasymen qurylǵan zııatkerlik mektepterdiń tájirıbesi oqýshylarǵa mektep qabyrǵasynan nátıjeli kásiptik baǵdar berýge negizdelgen. Soǵan saı órenderge bolashaqta ózi tańdaý jasaǵan mamandyq boıynsha tereńdetilgen mazmundaǵy bilim berilip jatyr.

Aǵymdaǵy jyly osy mekteptiń tájirıbesimen óńirdegi bilim berý oshaqtarynyń 50 paıyzyn qamtý maqsatynda oblys ákimdiginiń bilim basqarmasy men pedagogıkalyq sheberlik ortalyǵy jáne Nazarbaev Zııatkerlik mektebi arasynda úsh jaqty memorandýmǵa qol qoıyldy. Birikken josparǵa saı jyl boıy bazalyq alańǵa aınalǵan mektepterdiń tájirıbesin aımaqqa taratý úrdisi de qalyptasty. Ondaǵy basymdyq eń áýeli ustazdarǵa kásibı qoldaý jasaý bolyp tabylady. Munan bólek zaman aǵymyna saı oqýshylarǵa aqparattyq tehnologııalar salasynda sapaly bilim berýde kún tártibine qoıylǵan. Osyndaı bazalyq alańnyń biri sanalatyn Taraz qalasyndaǵy №8 Tóle bı atyndaǵy mektep gımnazııasynda qurylǵan «Shyńdalý» jelilik qaýymdastyǵyna oblys ortalyǵyndaǵy 11 orta mektep tartylǵan. Bul qaýymdamdastyqta ustazdarǵa jańartylǵan mazmunda bilim berý, urpaq tárbıesinde Nazarbaev zııatkerlik mektepteriniń ádisterin engizýge qatysty ózekti máseleler talqylanady.

–О́tken oqý jylynda biz mekteptegi 1,2,3,5,6,7,8 synyptarǵa bilim berýde Nazarbaev zııatkerlik mektebiniń tájirıbesi qoldanyp kórdik. Nátıjesi jaman emes. Sondyqtan jańa jylynan bastap tolyqtaı osy júıege kóshtik. Jalpy zııatkerlik mektepterdegi bilim berý júıesi zaman talabyna saı básekege qabiletti, bilimdi, isker tulǵany qalyptastyrýǵa negizdelgenimen erekshelenedi. Sondaı-aq, bul ádistiń taǵy bir tıimdi tusy oqýshylar óz bilimindegi artyqshylyqtar men kemshilikterge saı áreket etýinde bolyp otyr,– deıdi, Taraz qalasyndaǵy Tóle bı atyndaǵy №8 mektep-gımnazııa dırektorynyń ǵylymı-ádistemelik isi jónindegi orynbasary Úmit Jaqsylyqova.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir