• USD 389.52
  • EUR 429.21
  • RUB 6.07
  • CNY 54.94
20 Qańtar, 08:01:53
Qazaqstan Ýkraınanyń saýda naryǵyna alańdaýly

26 Qazan, 2019 Aımaqtar

Memlekettik áleýmettik tapsyrys áleýmettiń áleýetin kóterýge baǵyttalady

Qoǵamdaǵy ózekti máseleniń astaryna úńilip olardy sheshý isinde úkimettik emes uıymdardyń kómegi kóldeı. О́z kezeginde bul uıymdar óz qyzmetterin memlekettik áleýmettik tapsyrys sheńberinde iske asyratyny belgili. Osy maqsatta Jambyl oblysynda memlekettik áleýmettik jobalardyń tıimdiligin arttyryp, olarǵa bólingen qarjy kólemi eki asa arttyrylyp, olardy maqsatty paıdalaný isine basymdyq berilýde, dep jazady Qamshy.kz aqparat agenttigi. 

Bıyl óńirde memlekettik áleýmettik tapsyrysqa 890 mıllıon teńge qarjy qarastyrylyp, oǵan 198 áleýmettik jobany iske asyrý josparlanǵan. Áleýmettik tapsyrys jobalarynyń nátıjeliligi men tıimdiligin arttyrý maqsatynda bul sektordy qarjylandyrý kólemi ótken jylmen salystyrǵanda 74,6 mıllıon teńgege deıin artty. Iske asyrylýy josparlanǵan memlekettik áleýmettik tapsyrys kóleminiń 79,4 paıyzy jumyspen qamtýdy úılestirý jáne áleýmettik baǵdarlamalar basqarmasy men bólimder jáne halyqty jumyspen qamtý ortalyqtary tarapynan bólingen. О́ıtkeni bul basqarma óńirdegi arnaýly áleýmettik qyzmetter kórsetý, ınvataksı qyzmetin uıymdastyrý, probasııa qyzmetterin memlekettik áleýmettik tapsyrys negizinde júzege asyrady.

Búginde óńirdegi múddeli memlekettik mekemelermen memlekettik áleýmettik tapsyrys sheńberinde áleýmettik jobalar sanyn qysqartyp, meılinshe básekege qabiletti jobalardy sapaly iske asyrýǵa basymdyq berilip otyr.

Bıyl jobalardyń qatary sybaılas jemqorlyqqa qarsy mádenıet qalyptastyrý, mekemeler jumysyndaǵy ashyqtyqty qamtamasyz etýde «Jambyl - adaldyq alańy» jobasy tizilimge qosyldy. Jobany iske asyrýǵa 7 mıllıon 400 myń teńge qarjy bólindi. Sondaı-aq, qoǵamdaǵy eń ózekti másele sanalatyn kóp balaly analardy qoldaýdyń áleýmettik jobasy da qolǵa alynbaq. Kóp balaly analardy qoldaýdy maqsat etken joba «Qosymsha kásipke úıretý arqyly halyqtyń osal toptaryn qoldaý» dep atalady. Joba barysynda 70 áıeldi kásipkerlik daǵdylaryna baýlyp, olardyń kem degende 20-syn turaqty jumysqa ornalastyrý mejelenip otyr.

Aǵymdaǵy jyly oblysta memlekettik áleýmettik tapsyrysqa 48 bıýdjettik baǵdarlamadan qarjy qarastyrylǵan. Munda oblys ákimdigine qarasty 9 basqarma jáne qala, aýdan ákimdikterine qarasty 32 bólim, 7 halyqty jumyspen qamtý ortalyǵy bar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir