Telebaǵdarlamalardyń aqparattyq nasıhattaýdaǵy róli aıryqsha

BAQ-pen berik baılanys qashanda jergilikti atqarýshy organdar jumysyn ilgeriletýdiń alǵysharty sanalady. Sondyqtan da júıeli jumystardy halyqqa jetkizý, nasıhattaý, jemisti jobalardy jarnamalaý sharalaryn utymdy uıymdastyra bilý qajet-aq. Bul oraıda, Jambyl oblysynda jergilikti buqaralyq aqparat quraldarynyń múmkindigi molynan paıdalanylyp jatyr. Ásirese Jambyl telearnasynda qolǵa alynǵan televızııalyq jobalarda jergilikti jerde atqarylǵan júıeli jumystar kópshilikke óz deńgeıinde nasıhattalýda, dep jazady Qamshy.kz aqparat agenttigi. 

Jergilikti atqarýshy organdardyń jumys algorıtmderine saı oblys ákiminiń barlyq orynbasarlarymen birge Taraz qalasynyń ákimi, 7 aýdan ákimi Jambyl telearnasyndaǵy «Ákimdik saǵaty» baǵdarlamasyna tikeleı efırge shyǵyp, ózderiniń basshylyq etýimen atqarylyp jatqan júıeli jumysty halyqqa jetkizdi. Telebaǵdarlama tikeleı efır formatynda ótkendikten turǵyndar jaýapty tulǵalarǵa telefon arqyly suraqtaryn qoıyp, tushymdy jaýaptaryn aldy.

Sondaı-aq óńirdegi tarıhı oryndar jaıynda tolyq maǵulmat beretin «Jádiger» telebaǵdarlamasynyń da tarıhı ólkeniniń ótkenin urpaqqa tanytýdaǵy maqsaty aıqyn. Búginde Jambyl telearnasynyń kórmermenderi bul baǵdarlamanyń 8 shyǵarylymyn tamashalap, oń baǵasyn berdi. Al Taraz qalasy men aýdandardy memlekettik saıasat sheńberinde atqarylǵan jumystar «Jambyldaǵy jańa kezeń» telebaǵdarlamasynda kórinis tapty. Kúni búginge deıin atalǵan baǵdarlamanyń shyǵarmashylyq ujymy kórermenderine oblystaǵy barlyq aýdandardaǵy júıeli jumysty kórsetip úlgerdi. 11 ret efırge berilgen bul telejobanyń da el men jerde atqarylǵan sharýadan habardar etýdegi róli zor boldy. Sáıkesinshe oblys ákimdigine qarasty basqarmalarda jasalynǵan jumys kórermen nazaryna «Jambyl aqparat» baǵdarlamasy arqyly usynylyp keledi. Telejoba barysynda kórermender aýqymdy memlekettik baǵdarlamalardy iske asyrýdyń óńirdegi aıaq alysymen jaqynyraq tanysty. Sondaı-aq «Jambyl oblysyna 80 jyl» baǵdarlamasynda da óńir tarıhyna qatysty tushymdy derekter aıtyldy.

Atalǵan baǵdarlamalar respýblıkalyq OŃ TV telearnasynan da kórsetilip jatyr.