Shyǵys Qazaqstan men Tatarstannyń sıfrlandyrý salasynda uqsastyq bar ma?

Shyǵys Qazaqstannan attanǵan jýrnalıster delegasııasy Tatarstan Respýblıkasynyń ınvestısııalyq damý agenttiginiń jumys barysymen tanysyp qaıtty. Onda kórshiles memlekettiń ekonomıkalyq jáne óndiristik salasynan syr shertetin talaı aqparatty jınap qaıtty. Sondaı-aq ınvestısııalyq sıfrlandyrý salasy boıynsha da málimetter aldy.

 

Aıta keteıik, mundaı ortalyq Shyǵys Qazaqstan da bar. Bul ShQO ákimdiginiń qoldaýymen qurylǵan. Al osy ortalyqty qurý barysynda Tatarstan Respýblıkasynyń tájirıbesi qoldanylǵan.

 

Tatarstan Respýblıkasynyń ınvestısııalyq damý agenttiginiń jetekshisi Talııa Mınýllına aıtýynsha, bul memlekettegi bılik ókilderi aqparattyq damýǵa áldeqashan den qoıyp, IT-tehnologııa salasyn órkendetýge kólemdi ınvestısııa salýda.

 

Osy oraıda Shyǵys Qazaqstan da aqparattyq tehnologııany damytýǵa basa nazar aýdarylyp otyrǵanyn aıta ketken oryndy. Budan bólek ShQO men Tatarstandaǵy sıfrlandyrý salasynda uqsastyqtar kóp: densaýlyq saqtaý men bilim berý salasy elektrondy formatqa kóshken, memlekettik qyzmetterdi onlaın rejımde alýǵa bolady, qalalardyń qaýipsizdigin qamtamasyz etý maqsatynda GLONASS júıesi engizildi.

 

Sondaı-aq Shyǵys Qazaqstan oblysynyń ákimi Danıal Ahmetov IT-mamandardy daıarlaýǵa mán berip otyr. Sondaı-aq aımaq basshysy IT-ınjenerler bolashaqta joǵary suranysqa ıe ekenin únemi aıtyp keledi. Budan bólek oblys mektepterinde IT-synyptar ashylǵan. Onda robotty tehnıka páni oqytylady. Sonymen qatar IT-mamandardy daıarlaýǵa granttar bólinedi. Sondaı-aq WorldSkills, IT-festıval, IT-Hakaton baıqaýlary uıymdastyrylady. ShQO-nyń stýdentteri Tatarstandaǵy «Innopolıs» halyqaralyq ýnıversıtetinde IT-mamandyǵy boıynsha bilim alýǵa múmkindik aldy. Búginde «Innopolıs» ýnıversıtetinde 623 stýdent oqıdy. Onda kıberqaýipsizdik, jasandy ıntellekt, robotty tehnıka, baǵdarlamalaý syndy IT-baǵyttary boıynsha bilim alady. Stýdentter halyqaralyq standarttarǵa sáıkes aǵylshyn tilinde oqıdy. О́ıtkeni mundaǵy oqytýshylardyń 80 paıyzy sheteldikter. Talııa Mınýllınanyń aıtýynsha, bul ýnıversıtetke oqýǵa túsý úshin álemniń 60 memleketiniń stýdentteri ótinim beredi.

 

«Sheteldik azamattar bizdiń ýnıversıtetke baıqaý arqyly qabyldanady. Sóıtip ozyq bilimderimen kózge túskenderi grant ıegerleri atanady. Munda oqýǵa tapsyrý úshin ótinish jazyp, qajetti qujattardy jınap, testten ótý kerek. Jas eresheligine baılanysty shekteý joq» – delingen ýnıversıtettiń saıtynda.