Tarazda úsh jastaǵy tastandy balaǵa teperish kórsetken tárbıeshige sot úkim kesti dep habarlaıdy Qamshy.kz aqparat agenttigi "Astana" telearnasyna silteme jasap.
54 jastaǵy kelinshek endi eki jyl boıy pedagogıkalyq jumys isteı almaıdy. Budan bólek memleket qazynasyna qomaqty aıyppul tólemek.
Tahmına Sultanova, Jambyl oblystyq kámeletke tolmaǵandardyń isteri jónindegi mamandandyrylǵan aýdanaralyq sotynyń sýdıasy: Tárbıeshi óz kinásin tolyq moıyndap, tergeý isine kómektesti. Sot barysynda osy jaǵy eskerildi. Sondyqtan oǵan 80 aılyq eseptik kórsetkish kóleminde aıyppul salyndy. Onyń egde jasqa kelýi eskerilip, qaladaǵy qoǵamdyq jumystarǵa jegilmeıdi. Onyń ústine densaýlyǵy jaramaıtyny belgili boldy.
Eske salsaq, 8-shi qazanda «Úmit» bóbekter úıi tárbıeshisiniń balany jazalap jatqany taspalanǵan jazba jelige tarap ketken edi. Arty úlken daýǵa aınalyp, qoǵamnyń qyzý talqysyna tústi. Beınejazbada 30 jyldyq ótili bar maman jylaǵan 3 jastaǵy bóbekti aıaǵynan kótergen qalpy basyn salbyratyp, birneshe ret julqylaıdy. Osydan soń tekseris bastalyp, ol jumysynan ýaqytsha shettetilgen edi. Endi sot úkiminen keıin ol qyzmetinen birjolata qýylmaq. Sondaı-aq, «Úmit» bóbekter úıiniń basshysy da jazalanady. Sot tártiptik jazaǵa tartý úshin oblys ákimdiginiń atyna jeke qaýly shyǵardy. Aıta keteıik, atalǵan balalar úıinde taǵdyr tálkegine túsken 64 tastandy tárbıelenip jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir