• USD 389.52
  • EUR 429.21
  • RUB 6.07
  • CNY 54.94
28 Qańtar, 14:45:59
Qazaqstan Ýkraınanyń saýda naryǵyna alańdaýly

29 Qazan, 2019 NEWS

Baqytbek Smaǵul áleýmettik jelide taraǵan "jańa tý" týraly pikir bildirdi

Áleýmettik jelilerde "Qazaqstannyń jańa áskerı týy" bekitildi dep taralyp, túrli pikir týdyrǵan aqparatqa qatysty májilis depýtaty Baqytbek Smaǵul pikir bildirdi dep habarlaıdy Qamshy.kz aqparat agenttigi. Bul týraly depýtat óziniń feısbýktegi paraqshasynda jazdy.

"Bul tý – feık!

Áleýmettik jelilerde jáne Ýatsapp messendjerinde qazaqstandyqtar «Qazaqstannyń jańa áskerı týy» bekitilgeni týraly habardy talqylaýda.
Osyǵan baılanysty meniń uıaly telefonyma ashynǵan azamattardan habarlamalar túse bastady.

«Pravoslav kresine keltirilgen sııaqty. Bul týdyń avtorlary orys sııaqty, ne shoqynǵan qazaqtar», «Qazaqy oıýynyń ózi de krest, bul ne masqara!», «Tórkini hrıstıandyqtan bastaý alatyn Norvegııanyń, Shveısııanyń, Islandııanyń jalaýynan urlanǵan» dep shýlap jatyr el.

«Baqytbek! Jalańtóske eskertkish orynatqany oryndy. Biraq bıliktiń myna aqparatta aıtylǵan isi ras bolsa, is nasyrǵa shabady. Nege aqparat alańynda túsindirý kúresin júrgizbeısińder! El dúrligýde, al, «skorost panıkı vo mnogo krat vyshe geometrıcheskoı progressıı...» Bılik tarapynan aqıqatty túsindiretin jedel qımyl-áreket kerek!» dep jazdy jańa ǵana ultjandy azamattardyń biri.

Sondyqtan bul jańalyqtyń jalǵan ekenin jarııa etkim keledi.

О́ıtkeni birinshiden, «Prezıdent qurlyq áskerleri, áýe kúshteri jáne áskerı teńiz floty úshin biryńǵaı áskerı týdyń dızaınyn bekitti jáne ol eldiń barlyq áskerı bólimderi men oqý oryndarynda paıda boldy», – degen aqparattyń bastapqy qaınar-kózi «Panorama» basylymy bolyp tabylady. Al ol ózin «satıralyq basylym» dep ataıdy, ıaǵnı jazatyndary aqıqat aýylynan alys qonǵan ázil-qaljyńdar ǵana.

Ekinshiden, áskerı bólimder men áskerı oqý oryndaryn jańa baıraq paıda bolǵan joq, bárinde qoldanystaǵy týlary tur.

Úshinshiden, Qorǵanys mınıstrligi basshylyǵymen de habarlastym, olar osy kúnderi esh áskerı tý ózgertilmegenin rastady.

Ańǵal bolmaıyq, aǵaıyn! Kóringen quıtyrqy ázil men feıkke súıenip, qazirgi aýmaly-tókpeli zamanda altynnan da qymbat tynyshtyǵymyzdy toqyrata bermegenimiz jón" delingen jazbada.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir