29 Qazan, 2019 NEWS
Qazaqstan prezıdenti Qasym-Jomart Toqaev Almatyǵa eki kúndik jumys saparymen keldi, – dep Qamshy.kz aqparat agenttigi habarlaıdy.
Memleket basshysy úlken jınalys ótkizedi dep josparlanýda. Kún tártibinde qalanyń áleýmettik-ekonomıkalyq damýy máseleleri tur. Prezıdenttiń jumys sapar baǵdarlamasy birneshe nysandardy aralaýdy qamtıdy.
"Prezıdent búgin "Jańa Almaty" baǵdarlamasynyń tusaýkeserimen tanysyp, "Balalar úıiniń" tárbıelenýshilerine páter kiltterin tabys etip, Almaty qalasynyń áleýmettik-ekonomıkalyq damýyna arnalǵan keńeske qatysady.
Sonymen qatar «Tech Garden» ınnovasııalyq klasteriniń jumysymen, Investısııa úıiniń tynys-tirshiligimen tanysady. Budan bólek ál-Farabı atyndaǵy Qazaq Ulttyq ýnıversıtetine baryp, onda oqý korpýsy men «Keremet» stýdentterge qyzmet kórsetý ortalyǵynda bolady" – dep prezıdenttiń baspasóz hatshysy Berik Ýálı feızbýktegi paraqshasynda málim etti.
Sondaı-aq jumys saparynyń ekinshi kúninde memleket basshysy Almatydaǵy rezıdensııasynda birqatar kezdesýler ótkizedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir