"Oı–sanań mıtıngige qatysypty. Júr menimen!"

«Búgin konsert bolady!» demekshi, «búgin mıtıngi bolady» degen kúni kóshege shyǵaıyn. Ájepteýir halyq jınalyp qalǵan eken. Bir kezde polıseıler men OMON-dar mınıngige qatysýshylardy qýalap, otyn jınaǵandaı kóterip, arnaıy kólikterge toǵytyp jatty. Bir polıseı bir kempirdi arqalap alypty.
–Shyraǵym dik–dik etpeı, jáı júrshi, iship aýyryp ketti! –dedi kempir ketik tisin kórsete kúlip.
–Apa, kóp sóılemeńiz!
–Meni qaıda aparasyń?
–Polısııa bólimshesine!
–Onda pensııa beredi me eken?
–Apa, siz zańsyz mıtıngige qatystyńyz, jaýap beresiz!
–Dúkenge nan alýǵa bara jatqan keıýanany ustap áketý zańdy ma senińshe?
Polıseı kempirdi kólikke kúshtep kirgizip jiberdi de, meniń janyma keldi:
–Neǵyp tursyń?
–Jáı, saǵyz shaınap...
–Mıtıngi janynda saǵyz shaınaýǵa bolmaıdy!
–Joq, jutyp qoıdym.
–Oı–sanań qatysypty. Júr menimen!
Ol meni súıreı jóneldi. Úsheý bolyp jabylǵanda, shalbarym sheshilip qaldy. Oǵan da qaraǵan joq. Polıseıler kóshede shashylyp jatqan aǵashtardy jınap jatqandaı ma? Estýimshe, sol kúni shymshyqtardy da ustap almaq bolypty. Mıtıngi bolyp jatqan kóshede qonaqtap turǵandary úshin! Qarqyldaǵan qarǵalardy da úrkitipti! Oıebaı, bárinen de mynalary qyzyq... Tóbeden tónip turǵan kúndi de qamap tastamaq bolǵan ǵoı! Kún bıikten kúlip turypty. О́resiz polıseılerge. Bıliktiń keıbir bódenelerine... Kún... Kúnimiz ashyq bolsyn, adamdar!

Muhtar Sherimniń feısbýk paraqshasynan alynǵan