"Oyan, Qazaqstan" qozǵalysy mıtıng ótkizetinin habarlady

"Oyan, Qazaqstan" qozǵalysynyń áleýmettik jelilerdegi paraqshalarynda parlamenttik respýblıkany talap etý úshin mıtıng ótetini habarlandy. Aksııa 9 qarashada ótedi dep kútilýde.
⠀
"Biz beıbit jınalý quqyǵymyzdy júzege asyrý úshin kóshege shyǵamyz.

Talaptarymyz:

⁃  Barlyq azamattyń negizgi quqyqtary men bostandyqtarynyń saqtalýy
⁃  Parlamenttik respýblıka júıesine kóshý
⁃  Shyn mánindegi jergilikti ózin-ózi basqarý júıesi
⁃  Saılaý júıesiniń reformasy
⁃  Sot bıliginiń táýelsizdigi men zań ústemdigi
⁃  Polısııanyń parlamentke esep berip, qoǵam múddesine qyzmet etýi
⁃  Bılik tarmaqtary arasyndaǵy ókilettikterdiń derbestigi

Mıtıngtiń ótetin orny 01.11.19 kúni habarlanady" delingen qozǵalystyń www.facebook-tegi paraqshasynda.