Almatyda jastarǵa arnalǵan páterlerge qujattar qabyldanbaq

Almaty qalasy Turǵyn úı saıasaty basqarmasy 2019 jylǵy "30" qazannan bastap "12" qarasha aralyǵynda Almaty qalasynyń 29 jasqa deıingi jastarynan "Nurly jer" memlekettik turǵyn úı qurylysy baǵdarlamasynyń sheńberindegi "Jumys isteıtin jastarǵa satyp alý quqyǵynsyz jalǵa beriletin turǵyn úı berý" baǵyty boıynsha ótinishter men qujattardy qabyldaýdy júrgizedi.

О́tinishter men qujattar www.almaty-jastary.kz saıty arqyly qabyldanady. Avtorızasııa saıtta elektrondyq sıfrlyq qoltańba (ESQ) arqyly júrgiziledi. Ony "Azamattarǵa arnalǵan úkimet" memlekettik korporasııasy" KEAQ-tan (HQKO) alýǵa bolady.

Satyp alý quqyǵynsyz jalǵa beriletin turǵyn jaılar Almaty qalasynyń sheńberinde turǵyn úılerdiń túsýine baılanysty 5 jyl merzimge beriledi (pýldar boıynsha). Qazirgiýaqytta Alataý aýdanynyń "Kókqaınar" shaǵynaýdanynda (Saıaly-2) 249 bir bólmeli páterlerden turatyn birinshi pýl bar.

Baǵdarlamaǵa qatysý úshin qoıylatyn negizgi talaptar:

- 29 (jıyrma toǵyz) jasqa tolmaǵan, jalpy bilim beretin mektepterdiń jáne (nemese) tehnıkalyq jáne kásiptik jáne (nemese) orta bilimnen keıingi jáne (nemese) joǵary jáne (nemese) joǵary oqý ornynan keıingi bilim berý uıymdarynyń bilim beretin oqý baǵdarlamalaryn meńgergen jáne eńbek qyzmetin júzege asyryp júrgen Qazaqstan Respýblıkasynyń azamattary qatysa alady;

- Almaty qalasynda turǵylyqty jeri boıynsha sońǵy 2 (eki) jyldan kem emes turaqty tirkelýin rastaý (osy qalada turǵyn úı alýǵa úmittenetin adamdar úshin);

- ornalasqan jeri boıynsha jergilikti atqarýshy organnyń tıisti anyqtamasymen rastalatyn avarııalyq jaǵdaıdaǵy, qulaýqaýpi bar (qıraý) turǵyn úıdi qospaǵanda, ótinish berýshiniń, jubaıynyń (zaıybynyń), kámeletke tolmaǵan balalarynyń ótinish berý aldynda 2 (eki) jyl ishinde menshik quqyǵyndaǵy turǵyn úı diń, satyp alý quqyǵymen jalǵa beriletin turǵyn úıdiń joqtyǵyn rastaý;

- sońǵy alty aı ishinde keminde 40 (qyryq) aılyq eseptik kórsetkish mólsherinde aı saıynǵy tabystyń bolýy (101 myń teńge);

- bankte jınaq shottyń bolýy.

О́tinish berýshilerdiń tizimi upaı júıesin (eń kóp upaı sany boıynsha) esepke alýmen jasalady. Upaılardyń berilý krıterııleri, sondaı-aq, qajetti qujattar tizimi joǵaryda kórsetilgen saıtta ornalastyrylǵan.

Baǵdarlama qatysýshylary ótinish pen qujattardy tapsyrǵannan keıin ótinishtiń qarastyrylý nátıjesin joǵaryda kórsetilgen saıttaǵy jeke kabınetten ózderi baqylap otyrýy qajet.

Anyqtamalar: +7(727)2251440, +7(727)2251437, +7(727)2251457 telefondary boıynsha.