• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:38:02
Qazaqstan Ýkraınanyń saýda naryǵyna alańdaýly

25 Qazan, 2019 Aımaqtar

Jańa formattaǵy ataýly áleýmettik kómektiń talaptary keńinen túsindirilýde

Qazaqstan Respýblıkasynyń Tuńǵysh-Prezıdenti –Elbasy, Nur Otan partııasynyń Tóraǵasy Nursultan Nazarbaevtyń qatysýymen ótken partııanyń Nur-Sultan qalasyndaǵy «Nur Otan» partııasynyń kezekti XVIII Seziniń basty jańalyǵy kóp balaly analarǵa ataýly áleýmettik kómektiń taǵaıyndalýy bolǵany belgili. Tuńǵysh Prezıdenttiń buıryǵymen qolǵa alynǵan jańa áleýmettik saıasat aıasynda ataýly áleýmettik kómek 291 000 qazaqstandyq otbasyǵa nemese 1 mıllıon 446 myń otandasymyzǵa taǵaıyndaldy.

Búginde el arasynda ataýly áleýmettik kómek boıynsha jan-jaqty túsindirý jumystary júrgizilýde. Bul sharalar Jambyl oblysynda óz deńgeıinde qolǵa alynǵan, dep jazady Qamshy.kz aqparat agenttigi. 

Elbasynyń bastamasymen kóp balaly analardy qoldaý sharasy 32,5 myń jambyldyq otbasyny qamtydy. Sáıkesinshe 162,5 myń jambyldyq ataýly áleýmettik kómek aldy. Kómektiń bul túrin alýshylarǵa jyl sońyna deıin tólem jasap otyrýy úshin qazyna qarjysynan 21,2 mıllıard teńge qarastyryldy. Onyń 1,2 mıllıard teńgesi jergilikti bıýdjetten bólingen.

Búgingi kúnniń ózekti máselesi kópbalaly analardy áleýmettik qoldaý bolyp otyr. Bul oraıda turǵyndar arasynda ataýly áleýmettik kómekpen qamtý sharalarynyń jaı-japsary týraly nasıhattaý jumystaryn óz deńgeıinde júrgizý isi mańyzǵa ıe. Máselen ataýly áleýmettik kómek taǵaıyndalǵan sáýir aıynan beri Taraz qalasy ákimdigi 40-qa jýyq kezdesý ótkizildi. Onyń 10-y oblystyq deńgeıde uıymdastyrylǵan. Oblys ákimi bastaǵan jergilikti bılik ókilderi ataýly áleýmettik kómek máselesi boıynsha turǵyndarmen kezdesip, jeke suraqtarymen qabyldaýlar da jasady. Bul sharalarǵa atalǵan másele boıynsha kókeıinde júrgen saýalyna jaýap izdegen 3000-ǵy jýyq jambyldyq qatysty. Olardyń kóbiniń máselesi osydan soń ońtaıly sheshildi.

Qazirgi tańda múddeli memlekelettik mekemelerdiń bastamasymen keler jyly qoldanysqa engiziletin ataýly áleýmettik kómektiń jańa formaty boıynsha halyqty aqparattandyrý jumystary qolǵa alyndy. Bul jumystarǵa jergilikti jáne respýblıkalyq buqaralyq aqparat quraldary tartylyp, basylymdardyń betterinde ataýly áleýmettik kómek alýdyń sharttary, talap tártipteri jaıyndaǵy aqparattyq habarlamalar jaryq kórdi. Elektrondyq aqparat quraldy beınerolıkterdiń turaqty kórsetilimin uıymdastyrýda. Sondaı-aq oblys, aýdan ortalyqtaryndaǵy kórneki jarnama taqtaıshalary da halyqty aqparattandyrý jumystarynda qoldanylyp jatyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir