• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:56:27
Qazaqstan Ýkraınanyń saýda naryǵyna alańdaýly

25 Qazan, 2019 Aımaqtar

Tarazdyń sánin túzgen sáýlettik bıýro

Sát saıyn túrlenip, totydaı taranǵan Taraz qalasynyń sáýlettik kelbetin jaqsartýda oblys ákimdiginiń sáýlet jáne qala qurylysy basqarmasyna qarasty sáýlettik bıýro mekemesiniń qosqan úlesi qomaqty, dep jazady Qamshy.kz aqparat agenttigi. 

О́tken jyldyń maýsym aıynda ashylǵan mekemeniń negizgi mindeti Taraz qalasynda salynatyn nysandardyń nobaıyn syzyp, maketin daıyndaý bolyp tabylady. Arhıtektýralyq bıýro sáýletshileri ázirlegen nysandardyń nobaılary men maketteri apta saıyn oblys ákiminiń tóraǵalyq etýimen ótetin qala qurylysy keńesinde jan-jaqty talqylynady. Osy talqylaýdan ótken nysandardyń qurylysy ary qaraı merdiger kompanııalarǵa beriledi.

– Búginde sáýlettik bıýroda 8 sáýletshi jumys jasaıdy. Jumysymyzdy bastaǵan 1 jarym jyl ishinde qaladaǵy qurylys nysandardyń barlyǵyndaǵy kompozısııalarǵa bizdiń sáýletshiler óz úlesterin qosyp úlgerdi. Máselen buryn «Mahabbat alleıasy» atalǵan saıabaq «Jastar» alleıasy bolyp qaıta jańǵyrtyldy. Qaırat Rysqulbekov saıabaǵy kórkine kóz toımas kórikti orynǵa aınaldy. Sáýlettik bıýro alleıadaǵy eski sýburqaqtardy jańartý jumystaryn jobalaýmen aınalysty. Sondaı-aq, saıabaqta «Bilim» «Qarahan Aısha bıbi» stellalary ornatyldy. О́z kezeginde osy nysandardyń barlyǵy da sáýlettik bıýro mekemesi mamandarynyń ıdeıasynan týyndaǵan, –deıdi sáýlettik bıýro dırektory Arman Ábdeshov. Qazir sáýlettik bıýro mamandary ázirlegen nobaılar boıynsha Taraz qalasyndaǵy 15 shaǵyn aýdanda Oqýshylar saraıy, Kongress-holl, Qarjy ortalyǵy, Neke qııý saraıy, halyqqa qyzmet kórsetý ortalyǵy sekildi áleýmettik nysandarynyń qurylysyn qolǵa alý jumystary júrgizilýde.

Sáýlettik bıýro sáýletshileriniń endi bir toby «Kóne Taraz» tarıhı-mádenı arheologııalyq parki aýmaǵyndaǵy tarıhı-mádenı ortalyqty orta ǵasyrdaǵy sáýlettik úlgimen salý isine jumyldyryldy. Bul maqsatqa jetý jolynda sáýletshi mamandar irgetasy ortaǵasyrda qalanǵan Samarqand, Buqara qalalarynda bolyp, olardaǵy qurylys jumystarynyń barysymen tanysyp ta qaıtqan.

–Bul keshenniń aýmaǵyndaǵy oblystyq ólketaný murajaıy, kórkem sýret galereıasy, kórme ortalyǵy, «Rýhanııat» ortalyǵy syndy ǵımarattardy salynyp syrtqy árleýindegi árbir órnektiń áý bastaǵy sáýlettik jobadan aýytqymaýyn basty nazarda ustaımyz, –deıdi sáýlettik bıýro dırektory.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir