• USD 468.56

  • EUR 497.56

  • RUB 7.3

  • CNY 67.18

29 Naýryz, 04:13:51
Almaty
+35°

Birneshe ret para aldy degen kúdikke ilingen "Qazaqstan temir joly – Júk tasymaly" AQ fılıaly Altynkól stansasynyń bastyǵy J.T.Untaqbaevqa qatysty sot isiniń qortyndysy shyqty, – dep Qamshy.kz aqparat agenttigi habarlaıdy.

Sybaılas jemqorlyqqa qarsy is-qımyl agenttigi: "Ol "Altynkól" keden beketiniń bas mamany E.M.Tóleevpen jáne taýar kassasynyń bastyǵy A.M.Stamqulovamen aldyn ala sóz baılasyp, radıasııalyq fony joǵary vagondardy kedergisiz ótkizgeni úshin 4 mln 324 teńge kóleminde para aldy degen kúdikke ilindi. Sondaı-aq, Untaqbaev "Altynkól" stansasynyń júk aýdanynyń bastyǵy T.P.Qaldybaevtyń kómek kórsetýimen iri gabarıtti vagondardy bergeni úshin 1 mln teńgeden astam soma jáne jumysqa ornalastyrǵany úshin azamattan 100 myń teńge kóleminde para alǵan", –  dep málim etti.

Almaty oblysy Panfılov aýdandyq sotynyń úkimimen birneshe ret para alǵan Untaqbaev 8 jylǵa bas bostandyǵynan aıyryldy. Sondaı-aq osy úkimmen Tóleev pen Stamqulova 7 jylǵa, al Qaldybaev 2 jylǵa bas bostandyǵynan aıyrý jazasyna kesildi. Odan ózge sottalǵandar  ómir boıyna memlekettik qyzmette laýazymdardy ıelený quqyǵynan aıyryldy.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir