• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:42:48
Qazaqstan Ýkraınanyń saýda naryǵyna alańdaýly

24 Qazan, 2019 NEWS

Partııalyq baqylaý kúsheıtiledi

Nur Otan partııasy Almaty qalalyq fılıalynyń tóraǵasy, qala ákimi Baqytjan Saǵyntaev fılıaldyń kezekti jıynyn ótkizdi, onda bastaýysh partııa uıymdary jumystarynyń tıimdiligin arttyrý máselesi qaraldy, dep jazady qala ákiminiń baspasóz qyzmeti. 

Jıynda «Qutty meken» jobasyn júzege asyrýǵa, partııanyń Almaty qalalyq fılıaly bastaýysh partııa uıymdarynyń jumysyn qaıta qurýǵa, «Taza sessııa» aksııasy aıasynda joǵary oqý oryndary arasynda júrgizilgen saýalnama qorytyndysyna qatysty máseleler qaraldy. Sonymen qatar, partııanyń qalalyq fılıalynyń qoǵamdyq qabyldaýynda 2019 jyldyń 9 aıy ishinde memlekettik organdar basshylaryna azamattardyń joldaǵan ótinishteri jáne «Almaty-2020» qalany damytý Baǵdarlamasy qaraldy.

Partııalyq baqylaý barysynda «Qutty meken» jobasy boıynsha obektilerde ınjenerlik jáne áleýmettik ınfraqurylym salýdyń kesteden tys qalý faktileri anyqtaldy. Onyń sebebi – tehnıka men jumysshy kúshi jetispeıtin merdigerlerdiń jaýapsyzdyǵy.

Osyǵan oraı B. Saǵyntaev aıtylǵan barlyq problemalardy joıý úshin naqtyly sharalardy iske asyrýdy tapsyrdy. Aýdandyq fılıaldardyń tóraǵalary – aýdan ákimderi bir aı ishinde kem degen bir ret partııalyq baqylaý komıssııalarynyń otyrystaryn ótkizip turýlary tıis. Partııanyń qalalyq fılıaly tóraǵasynyń birinshi orynbasary Stanıslav Kankýrov jobany júzege asyrý jáne tekserý qorytyndysy boıynsha oryn alǵan kemshilikterdi joıýǵa qatysty júrgizilgen jumystar boıynsha partııa fılıalynyń apparattyq jıynyna aqparat usynýy qajet.

Bulardan ózge, B. Saǵyntaev partııalyq jumys jetkiliksiz qamtylǵan jerlerdegi ýchaskelerde elektrondy karta negizinde «bastaýyshtardy» qurýdy tapsyrdy.

B. Saǵyntaev Jas Otan jastar qanatynyń qalalyq fılıalyna joǵary oqý oryndarynyń barlyq oqý korpýstary men jataqhanalarda «Senim jáshigi» jobasyn iske asyrýdy tapsyrdy.

Aýdan ákimderi men basqarmalar basshylaryna Nur Otan partııasynyń Qoǵamdyq qabyldaýynda azamattardy qabyldaý kestesin múltiksiz saqtaý jáne ótinishterdi der kezinde qaraý tapsyryldy.

Dál osy kúni B. Saǵyntaev Nur Otan partııasynyń Qoǵamdyq qabyldaýynda azamattardy qabyldaýdy ótkizip, 14 qalalyqty qabyldady. Turǵyndar turǵyn úıge, jer ýchaskelerine, PIK jumystaryna qatysty máselelerdi alǵa tartty. Barlyq máselelerge qoldanystaǵy zań aıasynda túsiniktemeler berildi. Qosymsha zertteýdi qajet etetin saýaldar jergilikti jerge baryp, kórip, tekserýdiń nátıjesi boıynsha sheshiletin bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir