• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:45:19
Qazaqstan Ýkraınanyń saýda naryǵyna alańdaýly

26 Qazan, 2019 NEWS

Elordalyqtardy ne alańdatady?

Nur-Sultan qalasynyń ákimi Altaı Kólginov belsendi turǵyndar, qoǵamdyq uıymdar men qala ákimdiginiń qurylymdaryn biriktiretin biryńǵaı platformanyń jumysyn qorytyndylady, –dep Qamshy.kz aqparat agenttigi habarlaıdy. Bul týraly ol feızbýk paraqshasynda  jazdy.

Ákimniń aıtýynsha, elordanyń  akseleratory iske qosylǵanyna eki aı bolǵan.

astana

"Alǵashqy nátıjelerge toqtalar bolsam, turǵyndar páter ıeleriniń kooperatıvteriniń jumysyna qatysty kóbirek shaǵymdanǵan. Iаǵnı, olardyń qyzmet kórsetý sapasy turǵyn halyqty qanaǵattandyrmaıdy. Páter ıelerinen túrli qajettilikter úshin jınalatyn qarajattyń jumsalýy áli de bolsa basy ashyq másele", – deıdi ol.

О́z sózinde  páter ıeleriniń kooperatıvteri – ózin-ózi basqarý ınstıtýty bolyp esepteletindigin aıtty.

"Páter ıeleri úıdi basqarýdy kimge tapsyratyndyǵyn tańdaýǵa, ózderi tańdaǵan qyzmet kórsetýshilermen sharttar jasasýǵa quqyly. Jańa sıfrlyq tehnologııalar jumystyń ashyqtyǵyn qamtamasyz etedi. Máselen, E-PIK mobıldi qosymshasy. Jaqynda páter ıeleriniń kooperatıvteri assosıasııalary men úkimettik emes uıymdardyń ókilderimen kezdestim. Aldaǵy ýaqytta páter ıeleri kooperatıvteriniń jumysyn jetildirýge arnalǵan jobalardy birlese iske asyramyz", – dep jazdy ákim.

Astana

Páter ıeleri kooperatıvteriniń jumysyn jetildirýden basqa akselerator baǵdarlamasynyń taǵy eki baǵyty bar.

 "Ekinshisi – qalany sanıtarlyq tazalaý. Máselen, aldaǵy qys mezgilinde qar tazalaý, muzdardy jınaý. Sondaı-aq nóser kárizderiniń jumysy, ashyq lıýkter, synǵan plıtkalar, osy saladaǵy qyzmetterdi tarıfteý máseleleri t. b.", – dedi Kólginov.

Úshinshi baǵyt –  qoǵamdyq kólik máseleleri.

"Bul baǵyt boıynsha qyzmet kórsetý sapasy, tólem júıesi, júrgizýshilerdi yntalandyrý boıynsha sharalar, marshrýttyq baǵyttar jáne t.b. qaralady. Akseleratordyń basty mindeti – osy 3 baǵyttyń ózekti máselelerin sheshý", – dep qorytyndylady qala ákimi. 

Sondaı-aq A.Kólginov páter ıeleriniń kooperatıvteri, qoǵamdyq kólik pen qalany sanıtarlyq tazalaý jumystaryn jaqsartý nemese transformasııalaý boıynsha ıdeıalar men usynystar bolsa, akselerator saıtyna jazylýǵa keńes berdi.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir