20 mlrd teńge qaıda jumsaldy?

Elimizde zeınetaqy qory qansha qarajat jınaǵany men ol aqshany Ulttyq bank qaıda jumsaǵany belgili boldy.

Ulttyq bank Biryńǵaı jınaqtaýshy zeınetaqy qoryndaǵy 20 mıllıard teńgeni "Qazaqstan temir joly" ulttyq kompanııasynyń oblıgasııasyn satyp alýǵa jumsaǵan. Onyń tabystylyǵy – jylyna 11,5%.

Bıylǵy jyldyń 1 qazanyna deıin Biryńǵaı jınaqtaýshy zeınetaqy qorynyń zeınetaqy aktıvi portfeliniń kólemi 10 426,3 mıllıard teńge boldy. Aqsha men ulttyq valıýtadaǵy qarjy tetigi 6 850,6 mıllıard teńge nemese 65,7%. Sheteldik valıýtada - 3 575,7 mıllıard teńge nemese 34,3%.

Eske salsaq, ótken jyldyń qyrkúıek aıynda zeınetaqy aktıvterin ınvestısııalaý kólemi 55,3 mıllıard teńgege jetti.

Al 2019 jyldyń qyrkúıek aıynda Ulttyq bank BJZQ esebinen qarjy mınıstrliginiń memlekettik qundy qaǵazdarynyń negizgi qaryzyn ótedi. Jalpy somasy - 16,9 mıllıard teńge.

Odan ózge Qazaqstannyń ekinshi deńgeıli bank depozıtteriniń negizgi qaryzynyń 1,4 mıllıard teńgesi óteldi. Salymshylardyń esebine túsken zeınetaqy aktıvteriniń tabysy 2019 jyldyń basynan beri 4,98% boldy.