Eki el arasyndaǵy problemalar talqylandy

Elorda da Qazaqstan prezıdenti Qasym-Jomart Toqaev pen Belarýs basshysy Aleksandr Lýkashenkonyń shaǵyn quramdaǵy kezdesýi aıaqtaldy, dep Qamshy.kz aqparat agenttigi habarlaıdy.

"Jańa ǵana jabyq shaǵyn formatta negizgi problemalyq máseleler jaıly sóılestik. О́ıtkeni eń jaqyn elderdiń ózara qarym-qatynasynda qaıtken kúnde de talqylaýdy, naqtylaýdy, eń bastysy, sheshim qabyldaýdy qajet etetin máseleler týyndaıdy", - dedi memleket basshysy.

Prezıdenttiń aıtýynsha, kelissózder nátıjesinde eki el óte mańyzdy ýaǵdalastyqqa qol jetkizgen. Jáne ol jýyq arada júzege asady.

"Biz eki memleket arasynda saýda kólemin ulǵaıtýǵa, gýmanıtarlyq salada ózara baılanysty nyǵaıtýǵa, halyqaralyq uıymdarda belsendi ózara is-qımyldy jalǵastyrýǵa múddelimiz", –deı kele, kezdesý qorytyndysy boıynsha kelisimge qol qoıylyp, eki prezıdent birlesken málimdeme jasaıdy" – dedi Toqaev.

Belarýs prezıdenti Lýkashenko dostas Qazaqstanǵa kelý múmkindigi úshin Toqaevqa rızashylyǵyn bildirip, "Búginde Belarýs pen Qazaqstannyń qarym-qatynasy elderimizdiń strategııalyq múddelerine tolyǵymen saı keledi. Bul keleshekkke mańyzdy jospar qurýǵa múmkindik beretin uzaq jylǵy jumystyń jemisi", - dep oıyn aıtty.

Sondaı-aq "Biz búgin shaǵyn quramda ekonomıka salasyna basymdyq berdik. Sebebi, eki el arasynda saıasat, áskerı-tehnıkalyq yntymaqtastyq, dıplomatııa salalarynda túıini tarqamaǵan túıitkilder joq deýge bolady", – Belarýs basshysy.