Atyraýda qalyń tumannan jol apaty oryn aldy

Atyraýda qalyń tumannan jol apaty oryn alyp, 27 jastaǵy júkti áıel kóz jumdy, – dep Qamshy.kz aqparat agenttigi habarlaıdy.

Atyraý-Damba tas jolynda "LADA Samara" men "Nıva" avtokólikteri betpe-bet soqtyǵysýynan jol apaty oryn aldy. Kólik apaty oqıǵasynan 27 jastaǵy júkti kelinshek oqıǵa ornynda kóz jumyp, tórt adam túrli dene jaraqatymen oblystyq aýrýhanaǵa jetkizilgen.

Polısııa departamenti QR QK-niń 345-baby 3-bólimi (Kólik quraldaryn basqaratyn adamdardyń abaısyzda kisi ólimine ákelgen jol júrisi nemese kólik quraldaryn paıdalaný qaǵıdalaryn buzýy) boıynsha tergep-tekserý jumystary bastalǵanyn habarlady.

Dárigerlerdiń aıtýynsha, qazirgi tańda ekeýiniń jaǵdaıy turaqty, ambýlatorııalyq em qabyldaýǵa jiberilgen. Al qalǵan ekeýiniń bireýi jansaqtaý bóliminde, ekinshisi neırotravmatologııa bólimine aýystyrylǵan. Qazirgi tańda atalmysh oqıǵaǵa baılanysty qylmystyq is qozǵaldy.