24 Qazan, 2019 NEWS
Búgin kóptegen qazaqstandyqtardyń qaltafonynan shyǵys qońyraýlar shyqpaı, uıaly baılanys joǵalyp ketti. Bundaı tehnıkalyq aqaý abonenttiń qurylǵysy JSN nomerge tirkelmegendikten bolǵany anyqtaldy.
Ústimizdegi jylǵy qańtarda abonenttik qurylǵylardy tirkeý jónindegi norma kúshine engeni belgili. Ol boıynsha ıdentıfıkasııalyq kod bazasyna enbegen qurylǵylarda baılanys ajyratylady. JSN nomerge "baılanǵan" apparattar abonent atyna tirkelgen SIM-kartalarda ǵana isteıdi. Basqa SIM-karta salynsa, qurylǵyda baılanys bolmaıdy.
Tirkelmegen qurylǵylardaǵy baılanysty óshirý "Beeline Kazahstan" operatorynda 22 qazanda bastalsa, Kcell operatory IMEI-kod bazasyndaǵy derekterdi tekserýdi búgin túnde bastaǵan. Durys tirkelmegen nomerlerde baılanystyń ajyraýy sodan.
JSN nomerdiń telefonǵa tirkelgen-tirkelmegenin arnaıy portaldan bilýge bolady.
Nómirdi qaıta tirkeý úshin Kcell, Activ operatorynyń abonentteri JSN nómerdi 6006 nómerine, "Beeline" abonentteri 6914 nomerine, Tele2 men Altel abonentteri 6914 nomerine SMS arqyly jiberse jetkilikti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir