"Qaraýdyń ózi qorqynyshty": Qarttar úıindegi qarııa kóz jumdy

Qarttar úıine jatqyzylǵan qarııa 1 aptadan soń jumbaq jaǵdaıda qaıtys boldy. Marqumdy jan tapsyrar kezinde kórgen kórshileri mekeme qyzmetkerleri uryp-soqty dep kúdiktenedi. О́ıtkeni onyń aıaq-qoly synyp, kógerip, kúıip ketken edi deıdi.  67-jastaǵy Anatolıı Voznıýk ómiriniń sońǵy 10 jylyn osy úıde ótkizgen dep jazady Qamshy.kz aqparat agenttigi Astana arnasynyń deregin negizge alyp.  Alpysty alqymdaǵan qarııa transport salasynda qyzmet atqarypty. Zeınet jasyna kelgende qaraılasar birde-bir týysy qalmaǵan. Tek kórshilerimen ǵana jaqyn aralasqan. Jalǵyzdyqtan ábden sharshaǵan soń, qońsysynyń kómegimen Qarttar úıinen pana tabady. Arty qaıǵymen aıaqtalǵan.

– Biz bir otbasyndaı bolyp ketkenbiz. Mende onyń senimhaty da bar. Qarttar úıine ótkiz degen soń, jaǵdaı jaqsarar dep, aıtqanyn eki etpep edim. Kim bilgen osylaı bolaryn. Ony birinshi ret kórýge kelgende, tamaqtanýdan bas tartqanyn aıtty. Ekinshi kelgende, bir aıaǵy qap-qara bolyp isinip ketken. Qaraýdyń ózi qorqynyshty boldy. Anatolııdiń aıaǵy mazalaǵandyqtan, sońǵy jyldary júrýden qalǵan. Bir aıaǵyna ota da jasalypty. Qarttar úıi ony sol kúıinde qabyldaǵanymen, artynan aýrýhanaǵa  jóneltken. Alaıda, onyń jaǵdaıy týraly habar da almaǵan. Kórshileriniń aıtýynsha, qarttar úıi qyzmetkerleri ondaǵylarǵa kútim jasamaq túgili, qaraýda da nemquraılylyq tanytady, - dedi marqumnyń kórshisi Vera Petrova. 

– Palataǵa kirip edim, onyń jerde jatqanyn kórdim. Artynan ondaǵy qyzmetkerlerdi  izdep kettim. 2 qabatty aralap júrip bir sanıtar mamandy áreń taptym. Olar onyń qulap ketkenin júrgegin aýystyryp jatqan edik dep túsindirdi. Al men, ol qalaı men sizderdi 15 mınýttan beri izdep júrmin ǵoı, desem jaýap ta qatqan joq.  Qalalyq qarttar úıiniń mamandary naýqastyń qaıtys bolǵanynan da habarsyz. Soǵan qaramastan, olar taǵylǵan aıyptyń bárin joqqa shyǵaryp otyr. Aıtýlarynsha, marqum mekemege kelgende jaǵdaıy aýyr bolǵan. Qoldarynda ony rastaıtyn qujattary da bar. Kerisinshe, biz ony adam qataryna qostyq, - dep pikir marqumnyń kórshisi Vıtalıı Petrov. 

– Kúıik bolǵan joq. Eki aıaǵy da qap-qara boldy. Eki aıaǵynda da qan aınalymy tizeden tómen bolmady. Aıaǵy sup-sýyq. Bir kórgende, kúıik sııaqty kórinedi. Biraq ol "vlajnoe gıangagome". bizdiń tilimizde solaı aıtylady. Ol kisi qımyldamaıtyn adam. Uryp-soǵatyn bizde qandaı ne bar. Sebep bar. Elordalyq turǵyn Qarttar úıine 27 qyrkúıekte túsken. 9 kún arnaıy kútim alyp, aýrýdy eńserýge mundaǵy mamandardyń shamasy kelmegen soń qalalyq aýrýhanaǵa jetkizilgenderin rastady. 67- jasqa kelgen qart 17 qazan kúni qaza boldy, - deıdi "Nur-Sultan qalasy ákimdiginiń sharapat" ÁQKO" KMM medısına bóliminiń meńgerýshisi Bolatbek Musahanov.