Qaraǵandylyq dárigerler 5 ıne jutyp qoıǵan sábıdi qutqardy

Qaraǵandyda bir jarym jastaǵy qyz ıne terapııasy úshin qoldanatyn 5 ıneni jutyp qoıǵan dep habarlaıdy Qamshy.kz aqparat agenttigi «Habar 24» telearnasyna silteme jasap.

Ata-anasy edende shashylyp jatqan ınelerdi kórip, balanyń mazasyz kúıine nazar aýdarǵan. Dárigerler shuǵyl operasııa jasap úlgergen. Hırýrg dárigerler náresteniń asqazanynan 3 jáne ishekten 2 ıne alyp shyqqan. Operasııa sátti jasalyp, qazir bala úıine shyǵaryldy.

Bıyl ekdoskopıst mamandar kámeletke tolmaǵan balalardyń túrli zattardy jutýyna baılanysty 50-den astam operasııa jasaǵandaryn málimdedi. Onyń ishinde tıyn, shege, batareıka, túıreýishter bar. Bıyl dárigerler ıne jutqan 14 jastaǵy qyzǵa jáne bir jarym jasar sábıge operasııa jasaǵan.