• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:49:23
Qazaqstan Ýkraınanyń saýda naryǵyna alańdaýly

24 Qazan, 2019 NEWS

Abaev: Dinı basqarma ımamdardyń jańa obrazyn qalyptastyrýy kerek

Bizdiń basty kemshiligimiz – ózekti de názik dinı máselelerdiń shalǵaı eldi-mekenderdiń turǵyndaryna, halyqtyń uıymdaspaǵan toptaryna jetpeýi. Bul týraly búgin elordada ótken III respýblıkalyq ımamdar forýmynda sóz sóılegen Aqparat jáne qoǵamdyq damý mınıstri Dáýren Abaev málimdedi. Mınıstr din salasyndaǵy túıitkildi 5 máseleniń mánisin túsindirip qana qoımaı, onyń sheshimin usyndy dep jazady Qamshy.kz aqparat agenttigi baq.kz saıtynyń deregin negizge alyp. 

"Dástúrli dindi qaıtarý jumystaryn kúsheıtý qajet. Túsindirý jumystaryndaǵy bizdiń basty kemshiligimiz – din salasynyń óte ózekti de názik máseleleriniń shalǵaı eldi-mekenderdiń turǵyndaryna, halyqtyń uıymdaspaǵan toptaryna jetpeýi. Osy máselege erekshe mán berýimiz qajet. Osy tusta barlyq óńirlerdegi ımamdardy halyqqa nasıhat jasaý kezinde qoǵamdaǵy ótkir máselelerge toqtalyp, keleńsiz jaǵdaılardyń aldyn alýǵa baǵyttalǵan ýaǵyzdar júrgizýge shaqyramyn", - dedi Dáýren Abaev.

Mınıstr "Rýhanı qundylyqtar – qoǵam birliginiń negizi" atty rýhanııat ókilderi bas qosqan alqaly jıynda 5 negizgi máselege jiti toqtalyp, olardy naqty qalaı sheshý joldaryn túsindirip berdi. 

Abaev Elbasynyń "Rýhanı jańǵyrý" baǵdarlamasynyń ózegi sanalatyn pragmatıkalyq kózqarasqa buqarany tárbıeleýge ımamdardyń óz úlesterin qosýyn surady. Onyń aıtýynsha, ýaǵyz aıtýmen qatar halyqty ysyrapshyldyq pen orynsyz sán-saltanattan tyıylýǵa, jastarymyzdyń nekeni saqtaýǵa, azamattardy salamatty ómir saltyn ustaýǵa shaqyrǵan jón.

Osy rette aýyldardaǵy meshit ımamdaryna materıaldyq járdem berý máselesi qarastyrylyp jatqanyn habarlady. Kúrdeli túıtkildi sheshýge birshama ýaqyt ketedi. Dese de, bul suraqtyń ońtaıly sheshilýine bar kúsh-jigerin salatynyn aıtty.

"Ekinshiden, meshitterdiń qyzmetin retteýdi jańdandyrý qajet. Aımaqtarda meshitter kommýnaldyq-sharýashylyq máseleleri tolyq sheshilgende ǵana paıdalanýǵa berilýi kerek dep sanaımyz. Meshitti ashqan jergilikti mesenattar men demeýshiler bastapqy ýaqytta dinı ǵımarattyń shyǵyndaryn óz qamqorlyǵyna alýǵa shaqyrýlaryńyzdy suraımyn. Dinimiz boıynsha saýapty is jasaý tek qana meshit salýmen shektelmeıdi. Árıne, qajettilik bar jerde meshit salý kerek. Alaıda, meshit jetkilikti bolsa, qaıyrymdy azamattar men mesenattardy mektep, aýrýhana, jol, kópir sııaqty halyq kóp jyldar boıy ıgiligin kóretin, saýaby orasań zor ıgi isterge kóptep úndeýdi usynamyn", - dedi ol.

Sonymen qatar, Dinı basqarma qyzmetkerleriniń bilimi men biliktiligin arttyrý jóninde de sóz qozǵady. 

Búginde memleket ımamdarǵa qoldaý kórsetý maqsatynda jyl saıyn dinı basqarmanyń qyzmetshilerin oqytyp keledi. Bul jumys jalǵasyn tappaq. Meshit ımamdarynyń tapshylyǵyn sheshý maqsatynda Nur-Múbarak ýnıversıtinde ıslamtaný mamandyǵyna granttardyń kóptep bólinýine kómek kórsetiletin bolady. 

"Kelesi bir mańyzdy másele bar. Halyqtyń janazadan shyǵarý sııaqty dinı rásimderdiń tóńireginde keıbir moldalardyń jumysyna kóńili tolmaıdy. Sondyqtan Dinı basqarma ımamdardyń jańa obrazyn qalyptastyrý kerek dep esepteımin. Halyq ımamdardy qaıyrymdylyq sharalaryna muryndyq bolatyn, qaıǵysy men qýanyshyn bólisetin qaıyrymdy jandar sıpatynda tanyǵan jón. Sebebi, istiń sózge qaraǵanda áseri – kúshtirek", - dep shegelep aıtty Abaev. 

Budan bólek, Dáýren Abaev óz sózinde turyp, jurtshylyqqa bergen ýádesin oryndaǵanyn aıtty.

"Kezdesýlerimizdiń birinde О́zderińizge din taqyrybynda televızııalyq baǵdarlama ashýǵa ýáde bergen edik. Bizdiń mınıstrlik tarapynan sol ýádeni oryndap, qazir "Qazaqstan" ulttyq aransy men "Habar" telearnalarynan "Iman ózegi" syndy baǵdarlamalar ashyldy. Elbasy men Memleket basshysy Qasym-Jomart Kemeluly din máselesine aıryqsha nazar aýdarýda. Sondyqtan da bul jolda birlesip, tabandylyqpen jumys isteıtinimizge senemin. Barshańyzǵa Allanyń meıirimi men amandyǵy bolsyn", - dep óz sózin túıindedi.

Din salasyndaǵy eń kókeıkesti túıtkilderdi tarqatyp aıtqan Úkimet ókili dinı basqarmanyń áleýmettik jeli men BAQ betterindegi aǵartýshylyq jumystaryn kúsheıtý kerektigin de atap ótti. 

Jaǵymdy jańalyqtardyń biri – jýyrda jeke azamattardyń ótinishine ashyq ári jedel túrde jaýap qatý maqsatynda vırtýaldy qabyldaý bólmesi ashylady. Bul azamattarǵa teris málimetterdi emes, Qazaqstan músylmandary dinı basqarmasymen tekserilgen durys ári shynaıy aqparat alýǵa múmkindik beredi. Bul bastamany júzege asyrýǵa Abaev ózi basqaryp otyrǵan mınıstrlik belsendi túrde atsalysatynyn jetkizdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir