• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 19:05:59
Qazaqstan Ýkraınanyń saýda naryǵyna alańdaýly

22 Qazan, 2019 Aımaqtar

О́nerkásip oryndarynda ónim kólemi eselep artty

Oblystaǵy jer kóleminiń 50 paıyzy tıesili Moıynqum aýdanynda aýyl sharýashylyǵy men birge óńdeýshi kásiporyndardyń da jumysy júıelene túsýde. Qazaqstan Respýblıkasy Prezıdenti Qasym-Jomart Toqaevtyń Qazaqstan halqyna arnaǵan Joldaýynda shıkizattyń belgili bir túrine ǵana baılanǵan ekonomıkadan bas tartyp, múmkindiginshe bul salany ártaraptandyrýǵa kóńil bólýdi tapsyrǵany málim. Osy oraıda, moıynqumdyqtardyń ónerkásipte tolaıym tabystarǵa qol jetkizip keledi, dep jazady Qamshy.kz aqparat agenttigi. 

Moıynqum aýdanyndaǵy iri óndiris oshaǵynyń biri «Altynalmas» aksıonerlik qoǵam ótken jyldyń esepti kezeńinde 11 mıllıard 380 mıllıon teńgeniń ónimin óndirse, bıyl jyl basynan óndiris oshaǵymen óndirilgen ónim kólemi 19 mıllıard 93 mıllıon 600 myń teńgeni. , Sondaı-aq «Jambyl sement zaýyty», «Evrıka barıt», «Koptas», «Myńaral kompanııasy», «Shyǵys keń basqarmasy», «Amangeldi gaz» jaýapkershiligi shekteýli seriktesteri ótken jyldyń tıisti ýaqytymen salystyrǵanda óz ónimderin artyǵymen óndirip, aýdan bıýdjetin kóterýge kómekterin tıgizdi. Atalǵan seriktestikterde ótken jyldyń 8 aıyndaǵy kórsetkishterge qaraǵanda bıyl 10 mıllıard 864 mıllıon 7 myń teńgeniń ónimi artyq óndirildi.

– О́tken jyldyń qorytyndysynda aýdannyń ónerkásip kásiporyndarymen 53 mıllıard 600 mıllıon teńgege ónim óndirildi. Bul 2017 jylmen salystyrǵanda 10 mıllıard teńgege artyq kórsetkishti qurap otyr. Sáıkesinshe aǵymdaǵy jyly ónerkásip oryndarynyń tabystylyǵy taǵy da ósimdi kórsetpek. Aldyn-ala boljamnyń ózinde bizde mol ónim alynatyndyǵy ańǵarylady. О́tken jyly aýdandaǵy ken óndirý ónerkásibi jáne karerlerdi qazýda óndirisiniń kólemi 54,4paıyzǵa artty. О́z kezeginde bul salada 8 mıllıard 763 mıllıon teńgeniń ónimi óndirildi. Al óńdeý ónerkásibinde 41 mıllıar 247 mılıon teńgeniń ónimin óńdeýge qol jetkize aldyq,–deıdi aýdan ákimi Máden Musaev.

Osy kórsetkishterdiń ózi-aq Moıynqumda aýyl sharýashylyǵymen birge óńdeýshi ónerkásiporyndarynyń mol múmkindikke ıe ekendigin ańǵartady. Ári Moıynqum jerinde paıdaly qazbalardyń mol qorynyń bolýy da aýdannyń ónerkásip keshenderiniń áleýetin arttyrýdyń bir tetigine aınalǵany jasyryn emes.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir