• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:37:32
Qazaqstan Ýkraınanyń saýda naryǵyna alańdaýly

22 Qazan, 2019 Aımaqtar

Jambyl sport mektebiniń juldyzy joǵary

Deni saýdyń jany saý. Al dene saý bolýy úshin ony únemi jattyqtyryp turý qajet-aq. Sondyqtan sportpen kári demeı, jas demeı barlyq jastaǵy el azamattary aınalysýy kerek. Prezıdent Joldaýynan týyndaǵan bul mindettiń údesinen shyǵýda Jambyldaǵy sport mektepteri júıeli jumysymen kózge túsedi, dep jazady Qamshy.kz aqparat agenttigi. 

Sonaý 1980 jyly JaqsylyqÚshkempirovtiń Máskeý tórinde Olımp shyńyn baǵyndyrýymen bastalǵan Jambyldaǵy sport mektebiniń dańqy búginde álemge máshhúr. Ásirese kúres, boks syndy sport túrlerinen daralanǵan sańlaqtardyń sara joly keıingi jastarǵa úlgi, jerlesteri úshin zor maqtanysh.

–Qazir oblysta 48 sport mekemesi jumys atqarady. Sport túrleri boıynsha 6 sport klýby, «Buqaralyq-sporttyq sharalar ótkizý ortalyǵy», «Joǵary sport sheberligi mektebi», «Olımpıada jetkinshekterin daıarlaý ortalyǵy», «Taraz-Arena» sport saraıy, «Oblystyq mamandandyrylǵan daryndy balalar mektep-ınternaty»,Talas aýdanyndaǵy «Dene shynyqtyrý-saýyqtyrý kesheni», Qordaı aýdanyndaǵy «Buqaralyq sporttyq is-sharalar ótkizý ortalyǵy» syndy mekemeleri jáne 35 balalar-jasóspirimder sport mektebi jumys jasaıdy. О́ńirdegi 30 sport mekemesi aýdan ákimdikterine qaraıdy.

Jalpy, oblystaǵy sport mekemelerinde sporttyń 43 túri qamtylǵan. Onyń ishinde 24 olımpıadalyq sport túrine jatady. Al sporttyń 12 túri olımpıadalyq emes jáne qalǵan 7 túri sporttyń ulttyq túrin sanalady. Bul sport túrleri boıynsha 925 oqytýshy-jattyqtyrýshy 25 068 shákirtti baptaıdy. Mundaǵy 16 136 sportshy jas aýyldaǵy sport mektebinde tárbıelenedi,–deıdi oblys ákimdiginiń dene shynyqtyrý jáne sport basqarmasynyń basshysy Nurbol Júnisbekov.

Talaı tastúlekti qııaǵa baptaǵan Taraz qalasy men aýdandarda sporttyq seksııasy bar 22 aýla klýby jumys júrgizedi.Olardyń jumysyna 48 jattyqtyrýshy men 3000-nan astam sportshy tartylǵan. Sáıkesinshe aýla klýbtary qala jastarynyń salaýatty ómir saltyn saqtap, bos ýaqyttaryn sportqa arnaýyna múmkindik beretin oryn retinde qyzmet kórsetedi.

Táýelsizdikten keıingi jyldary Ermahan Ibragımov, Baqtııar Artaev, Ǵanı Jaılaýov, Zýlfııa Gabıdýllına, Aqjúrek Tańatarov, Eldos Smetov syndy jambyldyq sportshylar qazaqtyń aspan tústes baıraǵyn jahandyq básekelerde bıik kóterdi. Beıbit Ystybaev, Aıbol Aıtbek, Dáýlethan Jaqypov syndy sportshylar qazaq kúresinde ańyz bolyp aıtylatyn esimderge aınaldy. Sáıkesinshe «Áýlıeata»kókpar klýby men «Aısha bıbi» qyzdar sý doby klýbynyń ataq dańqy da alysqa ketti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir