• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:50:07
Qazaqstan Ýkraınanyń saýda naryǵyna alańdaýly

22 Qazan, 2019 Aımaqtar

Jyl basynan beri jambyldyq sportshylar 1320 ret jeńis tuǵyrynan kórindi

О́ńirlerdegi sporttyń damýyndaǵy basty kórsetkish sportshylardyń sporttyq arenadaǵy jeńisi ekeni daýsyz. Aǵymdaǵy jyl basynan beri halyqaralyq, respýblıkalyq sporttyq saıystarǵa qatysqan jambyldyq sportshylar barlyǵy 1320 medal ıelendi, dep jazady Qamshy.kz aqparat agenttigi. 

Jambyldyq sportshylardyń 421-i qarsylastarynan oq boıy ozyq shyǵyp altynnan alqa taǵynsa, 371 sportshy kúmis medalǵa ıe bolǵan. Sondaı-aq 528 ret jambyldyqtar jeńis tuyǵyrynyń úshinshi satysynan kórinipti.

Esepti kezeńde 910 sportshy sporttyń birneshe túrinen Qazaqstan qurama komandasynyń músheligine ótken. Mundaǵy 302 sportshy jastar sanatyna jatsa, qalǵan 322 sportshy jasóspirimder sapynda el namysyn abyroımen qorǵap júr. Sol sekildi 81 jambyldyq sportshy QR sport sheberi, 6 sportshy QR halyqaralyq dárejedegi sport sheberi, 8 adam ulttyq sport tóreshisi jáne 2 adam joǵary sanattaǵy ulttyq sport tóreshisi normatıvterin oryndady. Sondaı-aq, 456 sportshyǵa «QR sport sheberligine kandıdat» sporttyq ataqtary berildi.

Jyl basynan beri respýblıkanyń ár aımaǵy men álemniń san qıyrynda ótken baıraqty básekelerde júlde salǵan jerlesterimizdiń atyn maqtanyshpen atap ótken jón. Máselen Olımpıada oıyndarynyń júldegeri Eldos Smetov dzıýdodan Álemdik Gran-prı týrnırleriniń jeńimpazy, Álem chempıonatynyń qola júldegeri atandy Al gımnastshy qyzdar Anel Nurjanova men Iýlııa Prosvetova sporttyq akrobatıkadan Álem Kýbogynyń qola medaline ıe boldy. Sol sekildi Meıirbek Qordabaı grek-rım kúresinen 23 jasqa deıingi eresekter arasyndaǵy Azııa chempıonatynyń qola medaldi jeńip aldy. Sonymen qatar, jerlesimiz Nurqanat Serikbaev – dzıýdodan jasóspirimder arasynda Álem chempıony ataǵyna qol jetkizdi. Al jastar arasyndaǵy ulttyq at sporty túrlerinen birinshi Azııa chempıonatynda kókpardan Qazaqstan Respýblıkasynyń Ulttyq quramanyń sapynda jambyldyq shabandozdar Qurmanbek Turǵanbek, Ernar Jarylqasyn, Ernur Kamelhan, Ersultan Ázimbaev jáne Ernet Málimbaı qurlyq chempıony atandy.

Jamby atýdan Qazaqstan Respýblıkasynyń qurama komandasynyń sapynda Jambyl oblysynyń sportshysy Baqdáýlet Babajan jeńis tuǵyrynan kórindi. Sondaı-aq, Ýnıversıada oıyndarynda dzıýdo kúresinen absolıýt salmaq dárejesinde Qyryqbaı Ǵalymjan da el mereıin asqaqtatty.Bul medal Ýnıversıada oıyndaryndaǵy dzıýdo kúresinen Qazaqstan tarıhynda tuńǵysh jáne osy jarystaǵy jalǵyz altyn medal bolǵanyn da jambyldyqtar maqtan etedi. Para paýerlıftıngten Erbolat Karıbaı 49 keli salmaqta jastar arasyndaǵy Álem chempıonatynda úzdikter qatarynan kórindi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir