Taǵamdyq aýrýlardyń órshýine jol berilgen joq

Jambyl oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti Qazaqstan Respýblıkasynyń Densaýlyq saqtaý salasyn damytýdyń 2016-2019 jyldarǵa arnalǵan "Densaýlyq" memlekettik baǵdarlamasynyń nysanaly ındıkatorlary boıynsha óz jumysyn júıeli jalǵastyrýda.

Bıyl Jambyl oblysynda tamaq obektilerinde, sondaı-aq balalar men bilim berý mekemeleri men emdeý-aldyn alý uıymdarynyń ashanalarynda shyqqan taǵamdyq aýrýlardyń órshýine jol berilgen joq.

2019 jyldyń 9 aıynda úıde konservileý ónimderin qoldanýǵa baılanysty 7 zardap shegýshimen botýlızmniń 5 jaǵdaıy tirkeldi. ólim-jitim joq.

Esepti kezeńde ónim satyp alý jospar-kestesine sáıkes jalpy somasy 8 mln.780 myń teńgege 168 saýda jáne qoǵamdyq tamaqtandyrý obektilerinde baqylaý satyp alý júrgizildi. 4367 azyq-túlik ónimderi men halyq tutynatyn taýarlar iriktelip, onyń ishinde 649 synama Keden odaǵynyń tehnıkalyq reglamentteriniń talaptaryna sáıkes kelmegen.

Sonymen qatar departament pen onyń aýmaqtyq basqarmalary 2867 tekserý júrgizgen. Onyń ishinde 1855 tekserý erekshe tártip boıynsha jáne 1012 jospardan tys tekserý júrgizildi. Al ótken jyly 1639 tekserý júrgizilgen bolatyn.

Tekserý barysynda Departament jáne aýmaqtyq basqarma mamandarymen anyqtalǵan buzýshylyqtar úshin 67 mıllıon 534 myń 650 teńge somasyna 1461 ákimshilik aıyppul salynǵan. Onyń ishinde 65 mıllıon 451 myń 525 teńge somasyna 1447 aıyppul óndirip alyndy. Bul 99 paıyzdy qurady. Zańnamany buzýshylyqtardy joıý týraly uıǵarymdardyń oryndalmaýy boıynsha 39 hattama, sondaı-aq obektilerdiń qyzmetin toqtata turýǵa 42 qujattar jasalyp, sot organdaryna qaraýǵa jiberilgen. Jalpy 310 adam jumystan shettetilip otyr.

Jambyl oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy B.Jarqynbekovtyń aıtýynsha, "Nur Otan" partııasy aımaqtyq fılıaldarymen jáne "Atameken" Ulttyq kásipkerlik palatasymen shaǵyn jáne orta kásipkerlik sýbektilerin qoldaý boıynsha ózara is-qımyl jalǵasýda. Memlekettik baqylaý men qadaǵalaýdy júzege asyratyn organdar, quqyq qorǵaý organdary, qoǵamdyq birlestikter men qaýymdastyqtar ókilderiniń, oblys kásipkerleriniń, sondaı-aq buqaralyq aqparat quraldarynyń qatysýymen sybaılas jemqorlyq quqyq buzýshylyqtardy anyqtaý jáne jolyn kesý máseleleri boıynsha «Dóńgelek ústelder», apta saıynǵy «Ashyq esik kúnderi», baspasóz konferensııalary men halyqpen jıyndar uıymdastyrylyp keledi.