Jambylda ınfeksııalyq aýrýlar eki esege tómendedi

Memleket basshysy Q.Toqaev Qazaqstan halqyna alǵashqy Joldaýynda medısınalyq qyzmet kórsetýdiń sapasy men qoljetimdiligin qamtamasyz etý máselesine basymdyq berip, «Bul jerde halyqtyń densaýlyǵyna baılanysty, ásirese, ana men sábı ólimine qatysty kórsetkishterdiń óńirlik teńgerimsizdigi aıqyn kórinedi.

Degenmen, bul kórsetkish tómendep keledi. Biraq áli de joǵary, sondaı-aq damyǵan elderdiń deńgeıinen aıtarlyqtaı kóp.

Úkimet ár óńir boıynsha medısınadaǵy naqty dertter toptamasy jóninde basymdyqtar tizimin jasap, sonyń negizinde bıýdjetten qarjy bólýi qajet» dep atap kórsetken bolatyn.

Búginde Jambyl oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti Joldaý júktegen mindetterge sáıkes óz jumysyn jandadyra túsýde.

Tabıǵı oshaqtardyń belsendiligine qaramastan, 2019 jyldyń 9 aıynda Jambyl oblysy aýmaǵynda negizgi ınfeksııalyq aýrýlardyń aldyn alý boıynsha keshendi baǵdarlamalar men josparlar is-sharalarynyń oryndalýy 2018 jyldyń sáıkes kezeńimen salystyrǵanda ınfeksııalyq aýrýlar 2,0 esege, onyń ishinde 14 jasqa deıingi balalar arasynda 2,0 esege tómendedi. Osylaısha, juqpaly aýrýlardyń monıtorıngilenetin 99 nozologııalyq túriniń 26-inde (27%): brýsellez 6,5%-ǵa, jel sheshegi - 2,7 ese, jiti vırýstyq gepatıt - 2,5 ese, ehınokokkoz - 25% - ǵa, lıamblıoz - 2 ese, joǵarǵy tynys alý joldarynyń jiti ınfeksııalary - 25% - ǵa, tumaý-2,3 ese, týberkýlez-13% - ǵa tómendegeni baıqalady.

45 nozologııa boıynsha aýrýlar tirkelmegen. Onyń ishinde: Kongo-Qyrym gemorragııalyq qyzbasy, tyrysqaq, oba, týlıaremııa, ish súzegi, paratıfter, leıshmanıoz, rıkketsıoz, bezgek-oblys halqynyń juqtyrý qaýpi joǵary.

Aıta ketý kerek, esepti kezeńde ıylǵy toǵyz aıda Jambyl oblysynyń taýarlar men kórsetiletin qyzmetterdiń sapasy men qaýipsizdigin baqylaý qyzmetiniń qyzmeti mańyzdy maqsatqa – múddeli memlekettik organdarmen vedomstvoaralyq ózara is-qımyl negizinde retteletin salada baqylaýdy qamtamasyz etýge, sondaı-aq aýrýlardyń aldyn alý jáne oblys halqynyń densaýlyǵyn nyǵaıtý boıynsha qoljetimdi jáne tıimdi tetikterdi engizýge baǵyttalǵan.