• USD 389.52
  • EUR 429.21
  • RUB 6.07
  • CNY 54.94
28 Qańtar, 14:38:45
Qazaqstan Ýkraınanyń saýda naryǵyna alańdaýly

23 Qazan, 2019 NEWS

Oblys ákiminiń syılyǵy

Jaqynda №3 kózi nashar kóretin balalarǵa arnalǵan mamandandyrylǵan mektep-ınternat 40 jyldyq mereıtoıyn atap ótedi. Shara aıasynda qalamyzda birqatar is-sharalar boldy. Eń aldymen mereıtoı ıeleri qonaqtardy qabyldap, oqý orynnyń materıaldyq-tehnıkalyq jabdyqtalýyn, sondaı-aq erekshe qajettilikteri bar balalarmen jumys isteý múmkindigin kórsetti.

Abaı atyndaǵy teatrda ótken respýblıkalyq semınarǵa ınternat túlekteri, oqýshylary, kórnekti qoǵam qaıratkerleri men ustazdar  qatysty. Mektep muǵalimderi men tárbıeshileri kóp jylǵy minsiz eńbegi jáne úlgili jumysy úshin oblys jáne qala basshylyǵynyń atynan gramotalar men alǵys hattarmen  marapattaldy. Shyǵys Qazaqstan oblysy bilim basqarmasy basshysynyń orynbasary Aıgúl Baıjanova quttyqtaý sóz sóıledi.

– Qurmetti áriptester, ustazdar, ata-analar men oqýshylar. Men barlyqtaryńyzdy mereıtoımen shyn júrekten quttyqtaımyn. Osy jyldar ishinde mektep ózin tek bilim berý mekemesi retinde ǵana emes, sonymen qatar talanttardyń altyn uıasy retinde kórsete bildi. Basshylyqqa jáne barsha ujymǵa tabandy qyzmetterińiz úshin zor alǵysymdy bildiremin. Sizderge aldaǵy ýaqytta da tek  tabys tileımin, – dedi Aıgúl Baıjanova.

Bilim basqarmasy basshysynyń orynbasary oblys basshylyǵy atynan mektepke shaǵyn avtobýstyń kiltin tabys etti. Alǵys retinde mektep-ınternat oqýshylary qonaqtarǵa konserttik baǵdarlamaryn usyndy.

Semeı qalasynyń aqparattyq ortalyǵy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir