• USD 468.56

  • EUR 497.56

  • RUB 7.3

  • CNY 67.18

29 Naýryz, 17:25:55
Almaty
+35°

Májilistegi jalpy otyrysta birneshe zań jobasy qaraldy. Atalmysh zań jobasynyń ishinde "2020-2022 jyldarǵa arnalǵan respýblıkalyq bıýdjet týraly" da bar, – dep Qamshy.kz aqparat agenttigi habarlaıdy.

Bilim jáne ǵylym mınıstri Ashat Aımaǵambetovtyń málimdeýinshe, úsh jyldyq bıýdjette bilim salasyna qyrýar qarjyny bólý qarastyrylǵan. Eń bastysy, bul máselede ustazdardyń jalaqysyn kóterý eskerilgen.

"Kelesi jyly 25 prosentke, odan keıin 50 prosentke, ary qaraı 70 prosentke, eń sońynda 100 prosentke kóterý tapsyrmasy bar. Osy tapsyrma boıynsha tıisti qarjy qarastyryldy. Ol – bir. Ekinshiden, apatty jaǵdaıda jáne úsh aýysymda jumys isteıtin mektepterdi joıý boıynsha qarajat bólinip jatyr. Budan bólek, kolledjderdi jabdyqtaý, jas mamandardy qoldaý jáne basqa da baǵdarlamalar boıynsha iri kólemde qarjy berilip otyr", – dep jýrnalısterge Aımaǵambetov suhbat berdi.

Mınıstrdiń sózine qarasaq, úsh jyldyq bıýdjette ustazdardyń jalaqysyn kóterý sharalaryna 1,7 trıllıon teńge qarastyrylǵan. Elimizde  búginge deıin bilim salasyndaǵy ustazdarǵa mundaı qarjy bólmegen edi.

"Endigi maqsatymyz – ol aqshany árbir pedagogqa jetkizý jáne bilim berý sapasyn kóterý. 500 myńnan astam pedagogqa san alýan qosymsha aqylar beriledi. Sosyn ǵylym salasyn qarjylandyrý kólemi eki esege artyp otyr", – dep atap kórsetti A.Aımaǵambetov.

Budan bólek, úsh jyldyq bıýdjette mádenıet pen óner qyzmetkerleriniń jalaqysyn kóterý, turǵyn úı qoryn jańǵyrtý, mindetti áleýmettik medısınalyq saqtandyrý, bilim salasyn jan basyna qaraı qarjylandyrý, aýyldy sapaly aýyz sýmen qamtý, gazdandyrý, jergilikti joldardy damytý, jumyspen qamtý men kásipkerlikti damytý, agroónerkásip keshenin nyǵaıtý, jastar men kópbalaly otbasylardy baspanamen qamtý jáne taǵy basqa mańyzdy sharalar qarastyrylǵan.

 

 

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir