• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 19:05:25
Qazaqstan Ýkraınanyń saýda naryǵyna alańdaýly

23 Qazan, 2019 NEWS

Shalqar Aqymǵalıevtiń súıiktisi alǵash ret suhbat berdi (vıdeo)

Atyraýda sýǵa batyp bara jatqan boıjetkendi qutqarmaq bolyp, óz ómirin qaterge tigip, erlikpen qaza tapqan polıseı Shalqar Aqymǵalıevdiń súıiktisi alǵash ret tikeleı efıge shyǵyp, jýrnalısterge suhbat berdi dep habarlaıdy Qamshy.kz aqparat  "Nıet" baǵdarlamasyna silteme jasap.

Shalqardyń súıiktisi tikeleı efırde ótken baǵdarlama kezinde baılanysqa shyǵyp, júrgizýshiniń saýaldaryna jaýap berdi. Aqbota súıiktisimen otaý quramyz dep josparlap júrgenin, armandaryna jete almaı qalǵanyn - Allanyń qalaýy dep aıtty. 

"Shalqar - óte meıirimdi, keńpeıil, júregi meıirimge toly, jylyjúzdi, óte aqkóńil bolatyn. Dostarynyń aldynda bedeldi boldy. Áriptesterin de óte jaqsy kóretin. Jumysyna adal adam edi. Úıiniń tuńǵyshy, tiregi bolatyn. Shalqar ekeýmiz qazan aıynda ápkesiniń jylyn ótkizgennen keıin, otbasyn quramyz dep oıladyq. Sondaı josparymyz boldy. Alaıda, ol tek bizdiń ǵana qalaýymyz emes. Ol bir Allanyń qalaýy. Biz oılaǵandaı bolmady. Alla qalaı qalady, solaı boldy. Tanystyǵymyzǵa osy qazannyń 17-si úsh jyl boldy. Qyz ben jigit retinde jeti aıdaı júrdik. Naqty úılenetinimiz kóktemde, naqtyraq aıtsam naýryzdyń basynda sheshildi" , - dedi Aqbota.

Qaıtys bolarynan bir saǵat buryn ǵana sóılesken Aqbota buǵan deıin Shalqardy ata-anasymen tanystyryp, al Shalqar qalyńdyǵy týraly óz otbasyna aıtqan eken.

Shalqardyń qazasyn jaqyn qurbysy jetkizgen eken. Aqbota: "sol ýaqyttan bastap, meniń ómirim túske aınalǵandaı boldy. Ol nársege men eshqashan sengen emespin. Múmkin ýaqyt ta kerek shyǵar ol úshin. Áli kúnge deıin men ol adamdy júregimnen jibere almaı júrmin. Sol kúni kópirge bardym. Ol kezde Shalqardyń denesin tappaǵan. Men sońyna deıin, Shalqar maǵan ózi qońyraý shalady dep kúttim. Biraq, ondaı eshteńe bolmady. Shalqardyń endi joq ekenin sezgende ómirimniń esh máni bolǵan joq" , - deıdi.

Eske salsaq, 21-naýryz kúni Atyraýda kópirden Jaıyqqa sekirgen boıjetkendi qutqarmaq bolǵan polıseı Shalqar Aqymǵalıev erlikpen qaza tapqan bolatyn.

Ilmek sózder: shalqar Aqymǵalıev

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir