Bıýdjetke qandaı ózgerister engizildi?

Memleket basshysy "2019-2021 jyldarǵa arnalǵan respýblıkalyq bıýdjet týraly Qazaqstan respýblıkasynyń zańyna ózgerister engizý týraly" zańyna qol qoıdy, – dep Qamshy.kz aqparat agenttigi habarlaıdy.

Elimizdegi bıýdjetke qandaı ózgeris engizildi?

Zańdy ázirleý kezinde 2019 jyly eldiń áleýmettik-ekonomıkalyq damý boljamynyń kórsetkishi esepke alynǵan. Sondaı-aq jyl basynan beri ekonomıka damýynyń qarqynyn eskerilgen. Al 2019 jyly Qazaqstannyń ishki jalpy ónimi ósiminiń kórsetkishi josparlanǵan 3,8% deńgeıinde bolady dep kútilip otyr. 

2019 jyly munaıdyń baǵasy barreline 55 dollar deńgeıinde bolady dep boljanǵan.

Qazaqstan Ulttyq bankiniń boljamyna sáıkes, jyldyq ınflıasııa dálizi 4-6% shamasynda saqtalady.

Bıýdjetti naqtylaýdyń basty maqsaty – áleýmetttik saladaǵy mańyzdy máselelerdi qarjylandyrý, aldaǵy jyldary ekonomıkanyń ósýine yqpal etetin múmkindikter tabý. Odan ózge 2019 jyldyń sońyna deıin týyndaıtyn máselelerdi sheýge úkimettiń qajetti qoryn qamtamasyz etý.

Úkimettiń málimetine sáıkes, bul mindetterdi júzege asyrý úshin shyǵyndar qaıta qaralady. Iаǵnı aǵymdaǵy jyldyń 9 aıyndaǵy bıýdjet túsimine túzetýler engiziledi. 2019 jyly bıýdjet ósimi 95 mıllıard teńge bolady.

Qazirgi tańda áleýmettik sala shyǵyny 5,4 trıllıon teńge nemese shyǵynnyń jalpy kóleminiń 44,9%-i. О́sim - 6,7 mıllıard teńgeni quraıdy.