• USD 468.56

  • EUR 497.56

  • RUB 7.3

  • CNY 67.18

29 Naýryz, 12:58:28
Almaty
+35°

Taraz ınnovasııalyq-gýmanıtarlyq ýnıversıtetinde «QazStIn» RMK Jambyl oblystyq fılıaly men Tehınkalyq retteý jáne metrologııa komıteti oblystyq departamentiniń uıymdastyrýymen saladaǵy jumysty ilgeriletýge baǵyttalǵan dóńgelek ústel otyrysy ótti.

Jıynǵa óńirdiń bıznes qaýymdastyqtarynyń ókilderi qatysyp, halyqaralyq standarttaý, sapaly bilim berý joldary boıynsha pikir almasty. QR Indýstrııa jáne ınfraqurylymdyq damý mınıstrligi Tehnıkalyq retteý jáne metrologııa komıtetiniń Jambyl oblysy boıynsha departamentiniń basshysy Álııa Ahmetova óz alǵy sózinde búgingi qoǵamǵa standarttaý aýadaı qajet ekenin alǵa tartyp, ásirese ekonomıka, ónerkásip, saýda, ózge de tutynýshylarǵa ónim usynyp júrgen kásiporyndar naqty parametrlerge saı bolýy qajettigin jetkizdi. Al «Qazaqstan standarttaý jáne sertıfıkattaý ınstıtýty» Respýblıkalyq memlekettik kásiporny oblystyq fılıalynyń dırektory Asqar Myńbaev «Beınedegi standarttar álemdik arenany jasaıdy» taqyrybynda baıandama jasap, standart – bul kórsetkishterdi ornatyp júıeleıtin qujat, demek talaptar men kórsetkishter joǵary bolǵan saıyn sapaly da qaýipsiz ónim bolatynyn tilge tıek etti.

– Qatań básekelktik jaǵdaıynda kóptegen kásiporyndar naryqta óz ustanymdaryn ornatyp qana qoımaı, ISO standarttaryn qoldana otyryp sapaly damýdyń jańa belesterine de ótedi. ISO halyqaralyq standarttardy daıyndaýmen jáne jarııalaýmen aınalysatyn álemdegi eń iri uıymdardyń biri bolyp tabylady. Ol 163 eldiń standarttaý jónindegi ulttyq standarttar júıesin biriktiredi. Qazirgi tańda ISO standarttary álemniń barlyq ekonomıkalyq damyǵan memleketterinde sapa salasynda engizilgen. Olardyń negizgi tujyrymdamalary uıymdardyń sapasyn basqarý júıesine talaptar men usynymdarǵa qorytyndylanady. ISO modeliniń negizgi bir erekshklikteriniń biri ámbebeptyǵymen de tujyrymdalady: mysaly standarttar naqty bir ónimge/qyzmetke emes jalpy basshylyqqa baǵyttalǵan, olardyń salasyna qaramastan kez kelgen uıymdarda qoldanýǵa bolady, – dedi Asqar Qurmanuly.

Sondaı-aq basqosýda TIGÝ «Standarttaý jáne veterınarııalyq sanıtarııa» kafedrasynyń meńgerýshisi Pernekúl Malıkaeva atalǵan sala boıynsha sapaly bilim berý jolyndaǵy izdenisteri men stýdentterdiń búgingi alyp jatqan bilim júıesine keńinen toqtaldy. TIGÝ stýdentteri men M.H.Dýlatı atyndaǵy TarMÝ stýdentteri arasynda «Standarttaý salasyndaǵy jastardyń roli» taqyryby boıynsha pikir saıystyryp, ózindik oılaryn ortaǵa saldy.

Shara sońynda standarttaýda jáne ózderi óndiretin ónimniń normatıvtik bazasyn qalyptastyrýǵa eleýli úles qosqandary úshin «Qazfosfat» JShS, «PKF «Fan» JShS, «Ýchebnyı sentr «Ekspert» JShS, «GSSıM «Zhambyl Standart» JShS jáne «NasEks» AQ EF «QazStIn» respýblıkalyq memlekettik kásiporny alǵys hattarymen marapattaldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir