Latyn álipbıi negizinde laıyqty jumys júrgizilýde

Elbasymyz óziniń 2012 jylǵy 14 jeltoqsandaǵy «Qazaqstan – 2050» Strategııasy qalyptasqan memlekettiń jańa saıası baǵyty» atty Qazaqstan halqyna Joldaýynda: «Memleket óz tarapynan memlekettik tildiń pozısııasyn nyǵaıtý úshin kóp jumys atqaryp keledi. Qazaq tilin keńinen qoldaný jónindegi keshendi sharalardy júzege asyrýdy jalǵastyrý kerek. Biz 2025 jyldan bastap álipbıimizdi latyn qarpine, latyn álipbıine kóshirýge kirisýimiz kerek. Bul – ult bolyp sheshýge tıis prınsıpti másele. Bir kezde tarıh bederinde biz mundaı qadamdy jasaǵanbyz. Balalarymyzdyń bolashaǵy úshin osyndaı sheshim qabyldaýǵa tıispiz jáne bul álemmen birlese túsýimizge, balalarymyzdyń aǵylshyn tili men ınternet tilin jetik ıgerýine, eń bastysy – qazaq tilin jańǵyrtýǵa jaǵdaı týǵyzady» – dep latyn álipbıine kóshýdiń qajettiligin atap ótken bolatyn. Búginde bul turǵyda Jambyl oblysynda da júıeli jumystar jalǵasýda.

Qazaqstan Respýblıkasy Premer-Mınıstriniń 2018 jylǵy 13 naýryzdaǵy №27 О́kimimen bekitilgen Qazaq tili álipbıin latyn grafıkasyna 2025 jylǵa deıin kezeń-kezeńimen kóshirý jónindegi is-sharalar jospary bar.

Latyn álipbıin jáne jańa Qazaq tili emlesiniń negizgi erejelerin úıretý boıynsha tıisti sala mamandaryn qaıta daıarlaýdy bir ortalyqtan júrgizý maqsatynda oblys ákimdiginiń tilderdi damytý basqarmasynyń Tilderdi oqytý ortalyǵynda kadrlyq, materıaldyq tehnıkalyq bazalaryn kúsheıtý baǵytynda jumystar atqaryldy.

Latynnegizdi jańa álipbıdi úıretý, ádistemelik kómek kórsetý maqsatynda 2018 jyldyń 5 qyrkúıeginde ashylǵan «Rýhanı jańǵyrý: latyn álipbıi» kabınetinde ulttyq álipbıdi nasıhattaý boıynsha semınar-trenıngter, oqý kýrstary, lıngvıst ǵalymdardyń onlaın keńesteri ótkizilip otyrady.

Aǵymdaǵy jyldyń mamyr aıynan Jańa qazaq álipbıiniń emle erejelerin meńgerý boıynsha 36 saǵattyq oqý kýrsynyń baǵdarlamasy ázirlenip, 103 adam oqý kýrsynan ótip, sertıfıkattar tabystaldy. Oqý kýrstaryn Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń 72 saǵattyq oqý kýrsynan ótken trener oqytýshylar júrgizedi. Qazirgi tańda 8 qyzmetker sertıfıkattalǵan trener.

Bul baǵyttaǵy jumystar júıeli jalǵasýda.