• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:39:37
Qazaqstan Ýkraınanyń saýda naryǵyna alańdaýly

21 Qazan, 2019 Aımaqtar

Bilim salasyna bóllingen qarjy 23,2 paıyzǵa artty

Elbasy-Qazaqstan Respýblıkasynyń Tuńǵysh Prezıdenti Nursultan Nazarbaev azattyqtyń alǵashqy jyldarynan bilim salasyn damytý máselesine aıryqsha nazar aýdaryp, bul baǵytta baıandy baǵdarlamalardyń qabyldanýyna, keshendi sharalardyń qolǵa alynýyna yqpal etip keledi. Memleket basshysy Qasym-Jomart Toqaev ta urpaq tárbıesine jan-jaqty kóńil bólip, Úkimetke naqty tapsyrmalar berýde. Prezıdent «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda da salaǵa serpilis syılaıtyn qadaý-qadaý mindetterdi aıqyndady.

Qazirgi tańda Jambyl oblysyndaǵy aýdanynda bul baǵytta jemisti jumystar júzege asýda. Atap aıtqanda jyl saıyn bilim oshaqtary boı kóterip, olardyń materıaldyq-tehnıkalyq bazasy jańartylyp, zamanaýı qondyrǵylarmen jabdyqtalýda. Memleket tarapynan bilim salasyna bólinip otyrǵan qarjy kólemi de artyp kele jatyr. Mysaly, ótken jyly bilim salasyna 7,3 mıllıard teńge qarjy bólinse, ústimizdegi jylǵa osy maqsatqa qaralǵan qarjy 23,2 paıyzǵa artyp, 9 mıllıard teńgeni quraǵan. Ústimizdegi jyly 3-6 jas aralyǵyndaǵy balalardy mektepke deıingi tárbıemen 100 paıyz qamtý maqsatynda, Jibek joly aýylynan 100 oryndyq jekemenshik «Bórte», Kóktal aýylynan 50 oryndyq jekemenshik «Ásemgúl» bóbekjaı-baqshalary iske qosylsa, Aqsholaq eldimekeninde 120 oryndyq zamanaýı mektep jańa oqý jyly qarsańynda paıdalanýǵa berilgen.

Jas býynǵa IT mamandyǵyn ıgerý men jańa tehnologııany óz betinshe qoldanýǵa baǵyttaý maqsatynda №4 mektep lıseıi, Býryl, Túımekent orta mektepterinde oqýshylardy kásipkerlikke baýlý maqsatynda, Kóktal orta mektebinde «Bıznes-ınkýbator» jumysyn bastaǵan. Munda oqýshylardy jylyjaıda kókónis ósirýge úıretý nıeti jatyr.

Bunyń barlyǵy bilim sapasyn arttyrýǵa, kásibı sheberlikti nyǵaıtýǵa, muǵalimderdiń áleýmettik mártebesin joǵarylatýǵa yqpal etetini anyq.

Qazirgi tańda aýdanda pedagogtar mártebesin arttyrý baǵyty boıynsha da naqty jumystar atqarylýda.

“Halqymyzdyń uly batyry Baýyrjan Momyshuly «Ustazdyq - ulyq emes, uly qyzmet. Sebebi, urpaqtardy ustaz tárbıeleıdi. Bolashaqtyń basshysyn da, danasyn da, ǵalymyn da, eńbekqor eginshisin de, kenshisin de ustaz ósiredi. О́mirge urpaq bergen analardy qandaı

ardaqtasaq, sol urpaqty tárbıeleıtin ustazdardy da sondaı ardaqtaýǵa mindettimiz” degen bolatyn.

Biz ómir súrip otyrǵan búgingi dáýir jańasha kózqarasty, jańashyldyqty talap etedi. Bilimniń damýy, otbasy tárbıesi – adamzat órkenıetiniń damýy. Bilimi kúshti el ozady, bilimi álsiz el oǵan qyzmet etedi. Sondyqtan, ustazdar qaýymyna júkteletin mindettiń aýqymdyly zor", - deıdi Baızaq aýdanynyń ákimi Nurjan Nurjigitov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir