22 Qazan, 2019 NEWS

Elimizde 36 mektep apattyq jaǵdaıda

 
 
2007 jyly "100 mektep, 100 aýrýhana" baǵdarlamasy iske qosylǵany este. 2011 jylǵa deıin júzege asyrlýy tıis baǵdarlama aıasynda úsh aýysymdaǵy mektepter máselesin sheshýdi kózdelgen bolatyn.
 
Baǵdarlamany oryndaý barysynda memleketke 1,5 mlrd teńge kóleminde shyǵyn kelgeni anyqtalyp, 34 qylmystyq is qozǵalǵany da belgili. Iаǵnı árbir úshinshi nysan boıynsha bir qylmystyq is oryn alyp otyrǵan. Al úsh aýysymdy mektep máselesi sheshilýsiz qaldy. Ony sheshý osy aralyqta aýysqan alty mınıstrdiń de qolynan keler emes. Onyń sebebin vedomstvonyń búgingi basshysy Ashat Aımaǵambetov túsindirdi.
 
– Baǵdarlamany iske asyrý aıasynda 2016-2019 jyldary 372 mektep boı kóterdi. 80 jekemenshik mektepte memlekettik tapsyrys oryndaldy. Osyǵan qaramastan, ýrbanızasııa úderisiniń údeýi men turǵyndardyń kóbeıýi áserinen úsh aýysymdy jáne apattyq jaǵdaıdaǵy mektepter máselesi sheshimin tappaı otyr, – dedi ol úkimet saǵatynda.
 
Onyń sózinshe bilim oshaqtarynyń basym kópshilgi ótken ǵasyrdyń 50-80 jyldary turǵyzylǵan. Aımaqtarda mektepterge kúrdeli jóndeý júrgizýdiń júıeli bolmaǵandyqtan ǵımarattyń apattyq jaǵdaıyna áser etedi.
 
Búginde 125 mektep úsh aýysymda jumys istese, 36 bilim ordasynyń jaǵdaıy apattyq dep baǵalanýda. Synyptarda oqýshylardyń shamadan tys asý jaǵdaıy Nur-Sultan, Almaty, Shymkent syndy mıllıoner qalalarda jıi ushyrasady. Problemany retteý úshin qurylys pen kúrdeli jóndeýdi qarjylandyrýdyń jańa ádisnamasy engizilipti. Qarjylandyrý kólemi óńirdegi bir oqýshyǵa arnalǵan normatıvke súıene otyryp anyqtalmaq.
 
 
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir