• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:37:38
Qazaqstan Ýkraınanyń saýda naryǵyna alańdaýly

22 Qazan, 2019 Ǵylym-bilim

12 jyldyq bilim júıesine qashan kóshemiz?

Bilim mınıstri 12 jyldyq oqýǵa kóshetin ýaqytty atady dep habarlaıdy Qamshy.kz aqparat agenttigi ktk.kz saıtyna silteme jasap.

Biraq oǵan jetý jolynda qıyndyq kóp. Apattyq jaǵdaıdaǵy mektepter, úsh aýysymdyq oqytý, ınternettiń álsizdigi men qoljetimsizdigi, sapasyz oqýlyqtar. Osylardy jipke tizgen mınıstr Ashat Aımaǵambetov Májiliste synnan kóz ashpady.

Ashat Aımaǵambetovtiń bilim men ǵylymdy damytýǵa arnalǵan baǵdarlamanyń bar jetistigin jaıyp tastap, depýtattardyń kózine túsemiz degen oıy júzege aspaı qaldy. Úsh jylda atqarýy tıis jumystardy mınıstrlik tolyq oryndamaǵan. Máselen, elimizde úsh oqý jylynda 372 mektep salynǵanymen, úsh aýysymda oqytý máselesi sheshilgen joq. 160-tan asa mektep apattyq jaǵdaıda. Aýyldarda ınternet qoljetimsiz. Al 12 jyldyq bilim júıesi 2021 jyldan bastap engizilmek.

Sergeı Sımonov, Májilis depýtaty: - Birinshiden, bala alty jastan mektepke barsa, onda 12 jyl oqyp, 18 jasynda bitiredi. Al elimizde 18 jastan bastap áskerge shaqyratynyn bilesizder. Sonda túlek mektepten keıin áskerge barýy kerek pe, álde joǵary oqý ornyna túsýi kerek pe?

Bas ustazdyń halyq qalaýlysyna bergen jaýaby mardymsyz boldy ma, taraptar ózara qyrqysyp qaldy. Mınıstr Aımaǵambetov qazir balalardyń 80 paıyzdan astamy mektepke 6 jastan baratynyn aıtyp, 12 jyldyq mektepti 17 jasynda bitiredi dedi.

Ashat Aımaǵambetov, Bilim jáne ǵylym mınıstri: - Qazir jeti jastan mektepke baratyndar 18-de emes, 17 jasta bitiredi. Solaı ǵoı. Al alty jastan barsa, on eki jyl oqyp, 17 jasta támamdaıdy. Sanap alyńyzdar!

Sanaý men oqýdy qadaǵalaıtyn mınıstr 12 jyldyqqa asyqpaı kóshý kerek dep esepteıdi. Oılanbaı áreket etý mektep ınfraqurylymyna úlken salmaq salady eken.

Bul turǵyda Bekbolat Tileýhan mınıstrdi taǵy da synǵa aldy. Aıtýynsha, talaı tulǵalar 12 jyl bilim almasa da aty máshhúr.

Bekbolat Tileýhan, Májilis depýtaty: - Búgingi bilim júıesin qarap otyrsaq, qurdymǵa bettep bara jatyr. Qaı jaǵynan kelsek te, syn kótermeıdi. Sondyqtan júıeni túbegeıli qaıta qaraý kerek. Ashat, jaqsy jigitsiń, azamatsyń. Endi osy máselelerge qajyr-qaıratpen kiriseıikshi. Tap osy másele sheshiletin bolsa, depýtattyq mandatymdy berip, kómekshi ári hatshy bolyp barýǵa daıynmyn.

Jalpy, úsh jylda atqarǵan jumys aýqymdy. Mektep oqýshylarynyń 95,4 paıyzy jańartylǵan mazmunǵa kóshken. Ǵylym salasynda da azdy-kópti jetistikter bar. Degenmen bilim salasynyń damýyna áli de bolsa, qarjy jetkiliksiz.

Jyl saıyn júıeni aýystyryp myń qubylatyn Bilim mınıstrligi balabaqshalarda aǵylshyndy toqtatýy múmkin. Al álippeni qaıtarmaq. Qazaq tiline beıimdelgen álippe Ahmet Baıtursynovtyń ádistemesine súıene otyryp, 2021 jyldan bastap engiziletin boldy. Al depýtat Bekbolat Tileýhannyń usynysyna Ashat Aımaǵambetov «yzýqandylyqpen aıtylǵan sóz» dep mán bergen joq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir