Nazarbaev Zelenskıımen kezdesti

Nursultan Nazarbaev Japonııada Ýkraına Prezıdenti Vladımır Zelenskıımen kezdesti dep jazady Qamshy.kz aqparat agenttigi Elbasy.kz saıtynyń deregin negizge alyp. 

Tokıodaǵy kezdesý barysynda Elbasy Vladımır Zelenskııdi Ýkraınadaǵy prezıdenttik saılaýdaǵy jeńisimen quttyqtady. 

"Men Ýkraınadaǵy jaıttardy únemi qadaǵalap otyramyn. Sizdiń elińizde bolyp jatqan oqıǵalarǵa beı-jaı qaramaımyn. Buǵan Ýkraınada 2 jyl oqyǵanym sebep bola almaıdy.  Eń basty sebep men táýelsizdiktiń alǵashqy kúnderinen bastap elderińizdiń barlyq prezıdentterimen jaqsy tanyspyn", - dedi.

Alaıda Nursultan Nazarbaev Ýkraınadaǵy oqıǵalarǵa alańdaýshylyq bildirdi. Nazarbaev Ýkraınanyń ońtústik-shyǵysyndaǵy qaqtyǵysty beıbit jolmen sheshýdiń mańyzdylyǵyn atap ótti.

"Siz halyqtyń úlken senimimen saılandyńyz. О́z josparlaryńyzdy júzege asyrýǵa barlyq múmkindikter bar", - deıdi Nazarbaev. 

О́z kezeginde Vladımır Zelenskıı Ýkraına árqashan keń aýqymdy máseleler boıynsha Qazaqstan Respýblıkasyn qoldaıtynyn atap ótti. Kelissózder barysynda Vladımır Zelenskıı óziniń Nıý-Iorkte Qazaqstan Prezıdenti Qasym-Jomart Toqaevpen tanystyǵy týraly aıtty, sonymen qatar Nazarbaevty Ýkraınaǵa shaqyrdy.