Aımaǵanbetov: Muhamedjan Tazabek mektepterde dáris oqı almaıdy

Bilim jáne ǵylym mınıstri Ashat Aımaǵambetov mektepterde bóten adamdar dáris oqymaýy kerektigin aıtty dep habarlaıdy Qamshy.kz aqparat agenttigi Tengrinews.kz saıtyna silteme jasap.

Bul týraly ol jýrnalısterdiń "Muhamedjan Tazabek qazaqstandyq mektepterde leksııa oqydy ma?" degen suraǵyna jaýap berý kezinde aıtty. 

"Mektepte is-sharalalardy tek muǵalimder ótkize alady. Osyǵan baılanysty Muhamedjan Tazabek shara ótkizdi dep aıtý durys emes. Sebebi ondaı shara ótken emes. Bireýler josparlady dep te aıta almaımyn. Eger mektepte sondaı shara ótkizilse, men jaýap berer edim. Bolmaǵan soń, aıtyp ta kerek emes", - dedi mınıstr jýrnalısterdiń suraǵyna jaýap berý kezinde.   

Mınıstrden mektepterde kimderdiń leksııa oqýǵa quqyǵy bar-joǵyn surady.  "Oǵan ruqsat joq. Eger siz qandaı da bir dinı nemese basqa da máselelerdi meńzep otyrǵan bolsańyz, bizdiń jaýabymyz bir, bilim berý uıymdaryna kez kelgen adam kelip óziniń dinı kózqarasy týraly leksııa oqı almaıdy jáne mundaı nárse atymen joq bizde", - dedi Aımaǵambetov. 

Eske salsaq, Muhamedjan Tazabek - dinı "Asyl Arna" telearnasynyń bas dırektory. Osyǵan deıin Tazabektiń polıseılerge leksııa oqydy degen aqparattan keıin tekseris bastalǵany aıtylǵan edi.