• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:52:48
Qazaqstan Ýkraınanyń saýda naryǵyna alańdaýly

22 Qazan, 2019 NEWS

Armandady. Áreket etti. Qol jetkizdi

Semeıdiń Shákárim atyndaǵy memlekettik ýnıversıteinde atalmysh oqý orynnyń túlegi,  "Qazaqstannyń 100 jańa esimi"  jobasynyń jeńimpazy,  fızıka-matematıka ǵylymdarynyń kandıdaty, PhD doktor Serik Nurkenovpen kezdesý ótti. Shara "Rýhanı jańǵyrý" baǵdarlamasy negizinde ótkizildi. Serik Nurkenov ǵylymǵa óziniń jańashyldyǵyn alyp kelgen jan. Onyń mektep kezinen fızıka men matematıkaǵa beıim bolyp, keıin osy mamandyqtardy odan ary ıgerip ketýi teginnen emes. Shákárim ýnıversıtetinen L. Gýmılev atyndaǵy ulttyq ýnıversıtetine joldama alǵan ol magıstratýrany támamdap,  "Bolashaq"  baǵdarlamasy boıynsha Chıkago qalasynda bilimin shyńdaıdy. Elge oralyp, ár tájırıbesin is júzinde kórsetedi.

– Iаdrolyq medısına – bul túrli kúrdeli onkologııalyq, kardıologııalyq jáne nevrologııalyq aýrýlardy dıagnostıkalaý jáne emdeý júzege asyrylatyn baǵyt. Medısınalyq fızıkterdiń mindeti – jyldamdatylǵan tehnıkany, ıaǵnı sıklotrondardy basqarý. Bul pozıtrondy-emıssııalyq tomograftar, birfotondy emıssııalyq kompıýterlik tomografııa. Qazaqstanda bundaı  jańa baǵyt boıynsha kadrlar daıyndalmady. Sol sebepti de meni, memleket esebinen túrli iri eýropalyq ortalyqtarǵa oqýǵa jiberdi.  Men Germanııa, Slovakııa, Avstrııa, Italııa elderinde bolyp, halyqaralyq forýmdarǵa qatystym. Bul medısınalyq fızıkanyń barlyq qyrlaryn zertteýge múmkindik berdi. Bizdiń elimizde alǵashqy medısınalyq fızık atanýymnyń alǵashqy baspaldaǵy osylaı bastalǵan edi, – dedi S. Nurkenov.

mp

Búginde ǵalymnyń qatysýymen 17 myńnan astam tekserý júrgizilgen. Sonymen qatar  ol stýdentterge arnalǵan "Iаdrolyq medısınanyń fızıkalyq negizderi" jáne "Medısınada ıadrolyq qondyrǵylardy qoldaný" atty eki arnaıy kýrsty ázirledi.

Shara barysynda qatysýshylar kókeılerinde júrgen suraqtaryn qoıyp, ǵalymnan tushymdy jaýap ala aldy. Kezdesý sońynda ýnıversıtet túlegine rektor atynan alǵys hat tabystaldy.

– Men bul ýnıversıtettiń stýdenti bolǵanymdy maqtanyshpen aıtyp júrem. Kóptegen ulaǵatty ustazdardyń táliminiń arqasynda osyndaı jetistikke jetip otyrmyn. Bolashaqta osy atalǵan sala boıynsha bilim alyp jatqan stýdentterge jol kórsetemin, – dedi S. Nurkenov.

Aıta keteıik, búginde doktor "Jasyl ekonomıka"  baǵyty boıynsha qyzmet etýde.

Semeı qalasynyń aqparattyq ortalyǵy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir