"Elektrondy úkimettiń" tıimdi tustary kóp

Qazaqstan Respýblıkasynyń Tuńǵysh Prezıdenti Nursultan Nazarbaevtyń «100 naqty qadam» Ult josparynda aıqyndalǵan basty mindettiń biri Kanadadaǵy Canada Service jáne Avstralııadaǵy Centrelink úlgisi boıynsha memlekettik qyzmetterdiń biryńǵaı provaıderine aınalatyn "Azamattar úshin úkimet" memlekettik korporasııasyn qurý bolatyn. Búginde bul baǵytta Jambyl oblysynda atqarylǵan jumystar óziniń oń nátıjesin berip otyr. Ásirese, «Elektrondy úkimet» portalynyń jurtshylyqqa tıgizip otyrǵan paıdasy kóp.

-Elektrondyq túrde kórsetiletin memlekettik qyzmetterdiń kóptegen artyqshylyqtary bar. Eń bastysy, bul ýaqyt únemdiligi, memlekettik qyzmetterdi alý úshin úıińizdi nemese jumys ornyn tastap ketýdiń qajeti joq.

Joǵaryda atalǵan baǵyt boıynsha halyq arasynda nasıhat jumystaryn júrgizý barysynda bıylǵy jyly Memlekettik korporasııa arqyly kórsetilgen elektrondy qymet sany 3 esege azaıda deýge bolady, mysaly 2019 jyldyń 8 aıynda 810 092 qyzmet, onyń ishinde 189 919 – y elektrondy negizde kórsetilse, 2018 jyldyń 8 aı qorytyndysy boıynsha kórsetilgen qyzmet sany 585 183 bolǵan,-deıdi «Azamattarǵa arnalǵan úkimet» memlekettik korporasııasy Jambyl oblysy boıynsha fılıaly dırektorynyń orynbasary Danııar Medetbekov.

Halyqqa qyzmet kórsetý baǵyty boıynsha bólimderde memlekettik qyzmetti ózdiginen alý úshin «Connection point» ózine-ózi qyzmet etý sektory jumys atqarýda. Bul sektordyń negizgi maqsaty: halyqty «Elektrondyq úkimet» portalynyń múmkinshilikterimen tanystyryp, elektrondyq sıfrlyq qoltańba arqyly aqparattyq anyqtamalar men elektrondyq qyzmetter alýǵa múmkindik jasaý.

2019 jyly sektorlar arqyly 745 700 qyzmet kórsetilip, 810 956 keńes berilgen. 2018 jyldyń kórsetkishimen salystyratyn bolsaq, 2018 jyly 443 324 qyzmet kórsetilip, 562 736 keńes berilgen. Iаǵnı qazirgi tańda qalalyq jáne aýdandyq bólimder jergilikti ákimdikpen birlese otyryp, bekitilgen kestege sáıkes ýákiletti organdarǵa, oqý oryndaryna, saýda oryndarynda, basqa da túrli mekemelerge baryp oqytý jumystaryn júrgizý nátıjesi boıynsha óz betinshe qyzmet alatyn halyq sany artýda.

Halyqtyń sıfrlyq saýattylyǵyn arttyrý maqsatynda korporasııa mamandary 2019 jyly 1388 mekemege shyǵyp, 145 695 turǵynǵa keńes bergen.