• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:52:36
Qazaqstan Ýkraınanyń saýda naryǵyna alańdaýly

21 Qazan, 2019 Aımaqtar

Balalarǵa qamqorlyq tanytty

Elbasy-Qazaqstan Respýblıkasynyń Tuńǵysh Prezıdenti Nursultan Nazarbaev azattyqtyń alǵashqy jyldarynan bilim salasyn damytý máselesine aıryqsha nazar aýdaryp, bul baǵytta baıandy baǵdarlamalardyń qabyldanýyna, keshendi sharalardyń qolǵa alynýyna yqpal etip keledi. Memleket basshysy Qasym-Jomart Toqaev ta urpaq tárbıesine jan-jaqty kóńil bólip, Úkimetke naqty tapsyrmalar berýde. Prezıdent «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda da salaǵa serpilis syılaıtyn qadaý-qadaý mindetterdi aıqyndady.

Bilim salasyndaǵy jumys mektepke deıingi tárbıeden bastalatyndyǵy daýsyz. Osy oraıda balabaqshalar men shaǵyn ortalyqtarǵa da kóńil bólýdiń mańyzy erekshe. Bul turǵyda «Qafzfosfat» jaýapkershiligi shekteýli seriktestiginiń fılıaly- «Qarataý» taý-ken óńdeý kesheni kópke úlgi bolarlyq tyndyrymdy tirlikter atqarýda.

- «Qarataý» taý-ken óńdeý kesheni Sarysý aýdandaǵy eń iri kásiporyn. Keshen fosfor kenin óndirip, óńdeýmen aınalysyp kele jatqanyna 73 jyl toldy. Keshen óz tarıhynda aýdanymyzdyń, Jańatas qalasynyń áleýmettik-ekonomıkalyq damýyna qosatyn qomaqty úlesimen el esinde qalary anyq. Balalar – bizdiń bolashyǵymyz, erteńgi izbasarlarymyz. Sondyqtan olardyń tárbıesi, bilim alýy árkez aǵa býynnyń qamqorlyǵynda,-deıdi keshen dırektory, oblystyq máslıhattyń depýtaty Muratqalı Sársenov.

Keshen dırektory, oblystyq maslıhattyń depýtaty M.B.Sarsenov jýyrda Degeres eldi mekenindegi «Bolashaq» balabaqshasynyń jumysymen tanysyp, eńbek ujymymen kezdesti. Tárbıelenýshilerdiń jatyn oryndaryn, oıyn bólmelerin aralap kórdi. Ujymmen kezdesýde olarǵa bala tárbıesinde abyroıly eńbek etip, bolashaq bizdiń izbasarlarymyzdy tárbıeleýde shyǵarmashyl eńbek ete berýlerine tilektestik bildirdi. Balabaqsha meńgerýshisi Seıne Ahmetovaǵa alǵys hat tapsyryp, qarjylaı syı-sııapat jasady.

О́z kezeginde balabaqsha meńgerýshisi de laıyqty qoldaý kórsetken «Qarataý» taý-ken óńdeý kesheniniń basshylyǵyna alǵysyn bildirip, rızashylyǵyn jetkizdi. Jalpy, «Bolashaq» baǵdarlamasy memlekettik «Balapan» baǵdarlamasy aıasynda ashylyp, jumysyn júıeli jalǵastyrýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir