22 etnostyń 600 ókili qazaq tilin úırenýde

Qazaqstan Respýblıkasynyń Prezıdenti Qasym-JomartToqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda tildiń úlken saıasat quraly ekenin eskerip, qazaq tiliniń memlekettik til retindegi mártebesin arttyrýǵa aıryqsha mán berdi. Sáıkesinshe, strategııalyq máni zor qujatta mártebesi artqan qazaq tilin kezeń-kezeńimen ultaralyq qatynas tiline aınaldyratyn kez kelgeni de aıtylady. Bul baǵytta oblysta aýqymdy jumystar qolǵa alynyp, mejeli mindetterge qol jetkizilýde, dep jazady Qamshy.kz aqparattyq agenttigi.

О́ńirde aǵymdaǵy jyly kórneki aqparattarda memlekettik tildiń paıdalanylý kórsetkishin 100 paıyzǵa jetkizý belgilengen. Ústimizdegi jyly oblys ákimdiginiń tilderdi damytý basqarmasy aýdandar men Taraz qalasy ákimderi arasynda kelisimder jasalyp, kórneki aqparattarda memlekettik tildiń paıdalanylý dárejesin nysanaly kórsetkish retinde kórsetip, ár toqsanǵa naqty meje belgilendi. Atalǵan kelisimdegi toqsandyq mejege saı aǵymdaǵy jyldań III toqsannyń qorytyndysymen 95 paıyzdyq mejeni eńserý kózdelgen. Bul ındıkatorlyq maqsat barlyq aýdandar men Taraz qalasynda 0,2 paıyzǵa asyra oryndaldy. Sondaı-aq memlekettik mekemelerdegi memlekettik tildegi shyǵys qujattardyń úlesi 99,2 paıyzǵa teńesti.

Sonymen birgen oblys ákimdigi tilderdi damytý basqarmasy janyndaǵy tilderdi oqytý ortalyǵynda jyl basynan beri 2024 tyńdaýshy oqysa ony 776-sy memlekettik tildi meńgerýge kúsh saldy. Sáıkesinshe óńirde Prezıdent tapsyrmasyna saı qazaq tilin ultaralyq qatynas tiline aınaldyrý jumystary eń áýeli oblys aýmaǵynda turatyn etnostarǵa qazaq tilin úıretýden bastalǵaly otyr. Bul oraıda oblystyq tilderdi oqytý ortalyǵy men oblystyq Qazaqstan halqy Assambleıasy jáne 22 etnomádenı birlestikter arasynda ózara yntymaqtastyq týraly memorandým jasaldy. Atalǵan memorandým aıasynda 595 ózge ult ókili qazaq tilin tegin úırenip jatyr.

Qazaq tili bizdiń elimizdegi memleketti quraýshy ulttyń tili. Sondyqtan memlekettik til retinde qazaq tiline qurmettiń artýy eldegi saıası turaqtylyq pen sabaqtastyqtyń óz deńgeıinde jolǵa qoıylǵanyn kórsetedi. Al ózge ult ókilderiniń ózderi týyp ósken memlekettiń tilin oqyp úırenýge degen qulshynysynyń artýy olardyń qazaq halqyna degen sheksiz qurmetiniń sımvoly sanalady.